Sandeep Reddy Vanga : డైరెక్టర్ నుంచి యాక్టర్గా.. యాడ్లో మెరిసిన సందీప్ రెడ్డి
ఈ వార్తాకథనం ఏంటి
ప్రముఖ దర్శకుడు సందీప్ రెడ్డి వంగా తాజాగా ఓ కొత్త తరహా ప్రకటన ప్రచారంలో భాగమయ్యారు. మైత్రీ టాలెంట్ ఆధ్వర్యంలో ప్రముఖ ఆన్లైన్ ఫ్యాషన్ ప్లాట్ఫామ్ మైత్రీ కోసం రూపొందించిన యాడ్ క్యాంపైన్లో నటుడు లక్ష్యతో కలిసి సందీప్ రెడ్డి వంగా పనిచేశారు. బ్రాండ్లను దర్శకులు, నటులు, కంటెంట్ క్రియేటర్లు, కొత్త ప్రతిభావంతులతో అనుసంధానం చేస్తూ ప్రభావవంతమైన ప్రచార కార్యక్రమాలు రూపొందించడమే మైత్రి టాలెంట్స్ లక్ష్యంగా పెట్టుకుంది. ఈ కొత్త అనుభవంపై స్పందించిన సందీప్ రెడ్డి వంగా.. ఇది నాకు భిన్నమైన, ఆసక్తికరమైన అనుభవం. సినిమాలకు అతీతంగా కూడా సృజనాత్మక పనులు చేయడం ఎప్పుడూ ఆసక్తికరంగానే ఉంటుంది. భవిష్యత్తులో ఇలాంటి మరిన్ని కలయికల కోసం ఎదురుచూస్తున్నానని తెలిపారు.
వివరాలు
పలు ప్రాజెక్టులు సిద్ధంగా ఉన్నాం
తన పనుల ఈ విభాగాన్ని మైత్రి మీడియా వర్క్స్ కేఆర్ సిద్ధార్థ్ సమర్థంగా నిర్వహించడం ఆనందంగా ఉందని కూడా వంగా పేర్కొన్నారు. ఇక మైత్రి మీడియా వర్క్స్ సహ వ్యవస్థాపకుడు, సీఈఓ సిద్ధార్థ్ మాట్లాడుతూ.. "దక్షిణాది వినోద రంగాన్ని బ్రాండ్లతో అనుసంధానించే వన్స్టాప్ సొల్యూషన్గా మైత్రి టాలెంట్స్ను తీర్చిదిద్దుతున్నాం. సెలబ్రిటీ కలాబరేషన్స్ నుంచి భారీ సినిమా ప్రచార కార్యక్రమాల వరకు అన్ని ఒకే వేదికపై అందించాలన్నదే మా లక్ష్యమని చెప్పారు. ఇప్పటికే పలు ఆసక్తికర ప్రాజెక్టులు సిద్ధంగా ఉన్నాయని, ఇది తమకు ఎంతో ఉత్సాహాన్నిచ్చే కొత్త ప్రయాణమని తెలిపారు.
వివరాలు
దక్షిణాది సినిమాలకు దేశవ్యాప్తంగా పెరుగుతున్న ఆదరణ
దక్షిణాది సినిమాలకు దేశవ్యాప్తంగా పెరుగుతున్న ఆదరణ, టాలెంట్ ఆధారిత బ్రాండ్ క్యాంపెయిన్లకు ఉన్న డిమాండ్ నేపథ్యంలో మైత్రి టాలెంట్స్ వినూత్న బ్రాండ్ కలయికలు, క్రియేటివ్ స్టోరీటెల్లింగ్కు బలమైన వేదికగా మారే అవకాశాలు కనిపిస్తున్నాయి. ఇటీవల విడుదలైన తొలి యాడ్ క్యాంపైన్లో సందీప్ రెడ్డి వంగా సినిమాల్లో వినిపించే డైలాగ్ స్టైల్, ఆయన చిత్రీకరణ శైలిపై సరదా వ్యాఖ్యలు, బాలీవుడ్లోని కొన్ని మెరుగైన ఫిల్మ్మేకింగ్ ట్రెండ్లపై వ్యంగ్యంగా చూపించడం వంటి అంశాలు ఆకట్టుకున్నాయి. అదే సమయంలో మైత్రీలో లభించే స్టైలిష్ దుస్తుల వైవిధ్యాన్ని వినూత్నంగా ప్రదర్శించారు. ఈ ప్రకటనకు సోషల్ మీడియాలో మంచి స్పందన లభిస్తోంది.