Pankaj udhas: గజల్ గాన గగనంలో తార..పంకజ్ ఉధాస్
ఈ వార్తాకథనం ఏంటి
పంకజ్ ఉధాస్ పేరు వినడగానే ఈ పేరుతో పాటు వినిపించే అమృత గుళికల్లాంటి గజల్స్, పాటలు ఎన్నో ఎన్నెన్నో. ఇటీవల గణతంత్ర దినోత్సవం సందర్భంగా పద్మ అవార్డులను ప్రకటించగా, పంకజ్‌కు పద్మభూషణ్‌ అవార్డు లభించింది. గజల్ ప్రేమికులతో పాటు, గజల్స్ గురించి ఎప్పటికీ తెలియని వారిని కూడా తన అభిమానులుగా మార్చుకున్నాడు. ఎప్పుడూ వినని వారు కూడా ఒకసారి ఆయన గొంతు నుంచి గజల్ వింటే, మంత్రముగ్ధులయ్యే వారు. మళ్లీ మళ్లీ వినాలని తపించేవారు. 'ఆహత్‌' అనే ఆల్బమ్‌తో సంగీతప్రపంచంలో తన కీర్తిని అజరామరంగా నిలిపిన పంకజ్, భౌతికంగా మళ్లీ రాకపోయినా, ఆయన సంగీతం ప్రతి శ్రోతల హృదయాల్లో, అభిమానుల హృదయాల్లో సజీవంగా ఉంటూనే ఉంటుంది.
వివరాలు
'కామ్నా' సినిమాలో గాయకుడిగా..
గుజరాత్‌లోని జెట్‌పూర్‌లో పుట్టిన పంకజ్ ఉధాస్, ముగ్గురు అన్నదమ్ములలో చిన్నవాడు. అన్న నిర్మల్‌ ఉధాస్‌తో ఆ ఇంట్లో గజల్ గజ్జె కట్టగా.. మరో అన్న మన్‌హర్‌ ఉధాస్ బాలీవుడ్‌లో కొన్ని సినిమాలలో పాటలు పాడాడు. తండ్రి కేశుభాయ్‌ ఉధాస్ ఒక ప్రభుత్వ ఉద్యోగి,ప్రసిద్ధ వైణికుడు. ప్రసిద్ధ వైణికుడు అబ్దుల్‌ కరీమ్‌ ఖాన్‌ దగ్గర దిల్‌రుబా నేర్చుకున్నాడు. పంకజ్ స్కూల్‌ పాఠాలు చదవడంలో పెద్దగా ఆసక్తి చూపించలేదు, కానీ సంగీతంలో ఎంతగానో మక్కువ పెంచుకున్నాడు. పంకజ్ చిన్నప్పటి నుంచి గజల్స్‌పై ఆసక్తి చూపడం మొదలుపెట్టాడు.1972లో 'కామ్నా' అనే సినిమా ద్వారా మొదటిసారి పాడిన పంకజ్,గాయకుడిగా పేరు తెచ్చుకున్నా, తొలినాళ్లలో అవకాశాలు రాలేదు.
వివరాలు
1980లో 'ఆహత్‌' గజల్ ఆల్బమ్‌
అయితే అది కూడా మంచిదే..మరిన్ని అవకాశాలు వచ్చినా, ఆయనకు అత్యంత ఇష్టమైన గజల్స్ నుంచి దూరం కావాల్సి వచ్చేదేమో' అంటారు పంకజ్ అభిమానులు. పంకజ్ తన శాస్త్రీయ సంగీతంలో మరింత నైపుణ్యం సాధించి, ఉర్దూ నేర్చుకున్నాడు. 1980లో 'ఆహత్‌' అనే గజల్ ఆల్బమ్‌తో సంగీత ప్రపంచంలో తన కీర్తిని మరింత విస్తరించుకున్నాడు. ఆయన సంగీతంపై అద్భుతమైన ప్రభావం ఉండేది. ప్రపంచవ్యాప్తంగా గజల్ ప్రేమికులు తన పాటలను ప్రేమించారు. తన ప్రియమైన గజల్ గాయకురాలు బేగం అఖ్తర్‌ గొంతు అతనికి స్ఫూర్తిని ఇచ్చింది. అలాగే , పంకజ్ ఎంతోమంది సెలబ్రిటీలు, సినీ ప్రముఖుల అభిమానాన్ని పొందాడు. అతను శాస్త్రీయ సంగీతం, గజల్స్, ఇంకా బాలీవుడ్‌ సినిమాల్లో కూడా తన ప్రతిభను ప్రదర్శించాడు.
వివరాలు
పెద్ద హిట్ గా నిలిచిన 'నామ్‌' సినిమాలో 'చిఠ్ఠీ ఆయీ హై' పాట
మ్యూజిక్‌ ఇండియా 1987లో లాంచ్‌ చేసిన పంకజ్ 'షా గుఫ్తా' మన దేశంలో కంపాక్ట్‌ డిస్క్‌పై రిలీజ్‌ అయిన తొలి ఆల్బమ్‌. ఇక సినిమాల విషయానికి వస్తే 'ఘాయల్‌' సినిమా కోసం 1990లో లతా మంగేష్కర్‌తో కలిసి మెలోడియస్‌ డ్యూయెట్‌ పాడాడు. ఇక 'నామ్‌' సినిమాలో 'చిఠ్ఠీ ఆయీ హై' పాట ఎంత పెద్ద హిట్టో ప్రత్యేకంగా చెప్పాల్సిన పనిలేదు. ఈ పాట సూపర్‌ హిట్ అయిన తరువాత అవకాశాలు వెల్లువెత్తాయి. అయితే అవకాశాన్ని సొమ్ము చేసుకోవాలని పంకజ్ ఎప్పుడూ అనుకోలేదు. తన జీవితంలో ఎన్నో పోరాటాలు,సాహసాలు చేసి, చివరికి తన పని నెరవేర్చుకున్నాడు. తన బంధాలు, విలువలు, సంగీతం కోసం ఆయన చేసిన కృషి అతన్ని మరింత పెద్ద స్థానంలో నిలిపింది.