Game Changer : 'గేమ్ ఛేంజర్' రిలీజ్ వాయిదా.. క్లారిటీ ఇచ్చిన నిర్మాత
మెగా పవర్ స్టార్ రామ్ చరణ్ నటిస్తోన్న పాన్ ఇండియా పొలిటికల్ యాక్షన్ థ్రిల్లర్ చిత్రం 'గేమ్ ఛేంజర్' ఈ మూవీ ఫ్యాన్స్ ఎంతో ఈగర్‌గా వెయిట్ చేస్తున్నారు. 'ఆర్ఆర్ఆర్' తర్వాత రామ్ చరణ్ చేస్తున్న ఈ ప్రాజెక్ట్‌పై భారీ అంచనాలే నెలకొన్నాయి. ముఖ్యంగా శంకర్‌ దర్శకత్వం వహిస్తుండటంతో ప్రేక్షకులలో ఆసక్తి మరింత పెరిగింది. బాలీవుడ్ భామ కియారా అద్వానీ హీరోయిన్‌గా నటిస్తుండగా, దిల్ రాజు ఈ చిత్రాన్ని నిర్మిస్తున్నారు. ఈ సినిమా ఈ డిసెంబర్‌లో విడుదల అవుతుందని మూవీ టీం ప్రకటించింది. అయితే ఇటీవల సినిమా వాయిదా వేస్తున్నట్లు సోషల్ మీడియాలో జోరుగా వార్తలు వినిపించాయి.
క్రిస్మస్ కానుకగా గేమ్ ఛేంజర్
తాజాగా ఈ వ్యాఖ్యలపై నిర్మాత దిల్ రాజు స్పందించారు. గేమ్ ఛేంజర్ ఎలాంటి పరిస్థితుల్లోనూ వాయిదా పడదని స్పష్టం చేశారు. ఈ చిత్రాన్ని ఈ ఏడాది క్రిస్మస్ కానుకగా విడుదల చేస్తామన్నారు. "గేమ్ ఛేంజర్ షూటింగ్ పూర్తియైందని, ఇది శంకర్‌ సర్‌, రామ్ చరణ్ ఇమేజ్‌ను మైలురాయిగా మార్చే చిత్రమని చెప్పారు. శంకర్‌ ఇంతకు ముందు ఇలాంటి సినిమాలు చేసినా, రోబో తర్వాత తన కథా శైలిని మార్చారన్నారు. సినిమా విజయవంతం అవుతుందని, ఈ నమ్మకం మా టీమ్‌పై కూడా ఉందన్నారు. ఇక ఈ చిత్రంలో అంజలి, ఎస్‌జే సూర్య, శ్రీకాంత్‌, సునీల్‌, సముద్రఖని వంటి నటులు కీలక పాత్రల్లో నటిస్తున్నారు.
