Loading...
Varanasi Movie: మహేశ్‌ బాబు అభిమానులకు గుడ్‌న్యూస్‌.. 'వారణాసి' షూటింగ్‌ కంప్లీట్
మహేశ్‌ బాబు అభిమానులకు గుడ్‌న్యూస్‌.. 'వారణాసి' షూటింగ్‌ కంప్లీట్

Varanasi Movie: మహేశ్‌ బాబు అభిమానులకు గుడ్‌న్యూస్‌.. 'వారణాసి' షూటింగ్‌ కంప్లీట్

వ్రాసిన వారు Jayachandra Akuri
Nov 16, 2026
02:26 pm

ఈ వార్తాకథనం ఏంటి

ప్రపంచవ్యాప్తంగా సినీ ప్రియులు ఎంతో ఆసక్తిగా ఎదురుచూస్తున్న ప్రాజెక్ట్‌ 'వారణాసి'. ఎస్‌.ఎస్‌. రాజమౌళి, సూపర్‌స్టార్‌ మహేష్ బాబు కాంబినేషన్‌లో ఈ చిత్రం తెరకెక్కుతోంది. 'బాహుబలి', 'ఆర్ఆర్ఆర్‌' సినిమాలతో ప్రపంచ వేదికపై తెలుగు సినిమా సత్తాను చాటిన రాజమౌళి తదుపరి చిత్రం కావడంతో దీనిపై భారీ అంచనాలు నెలకొన్నాయి. ఈ నేపథ్యంలో చిత్రబృందం తాజాగా కీలక అప్‌డేట్‌ ఇచ్చింది. అంతేకాకుండా అభిమానుల్లో మరింత ఉత్కంఠను పెంచే హింట్‌ను కూడా వదిలింది.

వివరాలు

పోస్ట్‌ ప్రొడక్షన్‌ పనుల్లో చిత్రబృందం

'వారణాసి' సినిమా షూటింగ్‌ పూర్తయినట్లు చిత్రబృందం అధికారికంగా ప్రకటించింది. ఈ మేరకు సినిమా అధికారిక 'ఎక్స్‌' (ట్విట్టర్‌) ఖాతాలో పోస్ట్‌ పెట్టింది.

ప్రస్తుతం కీలకమైన పోస్ట్‌ ప్రొడక్షన్‌ పనులు జరుగుతున్నాయని వెల్లడించింది. విజువల్‌ ఎఫెక్ట్స్‌ పనులతో పాటు రీ-రికార్డింగ్‌ కూడా కొనసాగుతోందని తెలిపింది.

త్వరలోనే డబ్బింగ్‌ పనులు ప్రారంభం కానున్నట్లు పేర్కొంది. సరిగ్గా ఏడాది క్రితం అత్యంత వైభవంగా నిర్వహించిన ఈ సినిమా అనౌన్స్‌మెంట్‌ ఈవెంట్‌ ఎంతటి సంచలనం సృష్టించిందో తెలిసిందే.

ఇప్పుడు షూటింగ్‌ పూర్తికావడంతో సినిమా నిర్మాణంలో మరో కీలక ఘట్టం ముగిసినట్లయింది.

వివరాలు

అసలైన బ్లాస్ట్‌ ఏంటో?

అయితే, చిత్రబృందం ఇచ్చిన అప్‌డేట్‌లో అసలైన ఆసక్తికరమైన అంశం చివర్లో ఉంది. ఇది కేవలం అప్‌డేట్‌ మాత్రమేనని, అసలైన బ్లాస్ట్‌ కోసం మరికొంతకాలం వేచి చూడాలని సూచించింది.

దీంతో అభిమానుల్లో, సినీ వర్గాల్లో కొత్త చర్చ మొదలైంది. రాజమౌళి టీమ్‌ ప్లాన్‌ చేస్తున్న ఆ 'బ్లాస్ట్‌' ఏంటనే దానిపై ఆసక్తి నెలకొంది.

సినిమాకు సంబంధించిన గ్లింప్స్‌ లేదా మేకింగ్‌ వీడియోను విడుదల చేస్తారా? లేక మహేశ్‌ బాబు పాత్రకు సంబంధించిన లుక్‌ను రివీల్‌ చేస్తారా? అంటూ సోషల్‌ మీడియాలో ఊహాగానాలు వెల్లువెత్తుతున్నాయి.

ఈ చిన్న హింట్‌తోనే సినిమాపై అంచనాలు మరో స్థాయికి చేరాయి.

ADVERTISEMENT

వివరాలు

2027 ఏప్రిల్‌ 7న ప్రపంచవ్యాప్తంగా విడుదల

ప్రస్తుతం పోస్ట్‌ ప్రొడక్షన్‌ పనులు శరవేగంగా జరుగుతున్నాయి. దీంతో సినిమా ముందుగా ప్రకటించిన సమయానికే ప్రేక్షకుల ముందుకు వచ్చే అవకాశాలు కనిపిస్తున్నాయి.

అనుకున్నట్లుగా 'వారణాసి' చిత్రాన్ని 2027 ఏప్రిల్‌ 7న ప్రపంచవ్యాప్తంగా విడుదల చేసేందుకు నిర్మాతలు సన్నాహాలు చేస్తున్నారు.

ఈ గ్లోబల్‌ అడ్వెంచర్‌ థ్రిల్లర్‌లో మహేశ్‌ బాబును రాజమౌళి ఏ విధంగా చూపించబోతున్నారనే ఆసక్తి సర్వత్రా నెలకొంది.

ADVERTISEMENT