Hanuman Ansh: భారీ సినిమాలను వెనక్కి నెట్టి టాప్‌-3లోకి.. 'హనుమాన్‌ అంశ్‌' బాక్సాఫీస్‌ జోరు

వ్రాసిన వారు Sirish Praharaju

Sep 23, 2026

10:31 am

ఈ వార్తాకథనం ఏంటి

థియేటర్లలోకి వచ్చినప్పుడు ఇది ఓ చిన్న సినిమా. తొలి రోజు వసూళ్లు కేవలం రూ.10 లక్షలు. రెండు వారాలు పూర్తయ్యే సరికి కూడా రూ.1.50 కోట్లలోపే కలెక్షన్లు. అయితే ఆ తర్వాత పరిస్థితి పూర్తిగా మారిపోయింది. ప్రేక్షకుల మౌత్‌ టాక్‌తో క్రమంగా పుంజుకున్న 'హనుమాన్‌ అంశ్‌'.. ఇప్పుడు 2026లో అత్యధిక వసూళ్లు సాధించిన భారతీయ చిత్రాల జాబితాలో టాప్‌-3లో చోటు దక్కించుకుంది. విశాల్‌ చతుర్వేది దర్శకత్వంలో రూపొందిన ఈ భక్తి ప్రధానమైన చిత్రం ప్రపంచవ్యాప్తంగా ఇప్పటివరకు రూ.366.45 కోట్ల గ్రాస్‌ వసూళ్లు సాధించినట్లు ట్రేడ్‌ వర్గాల సమాచారం. ఈ క్రమంలో భారీ అంచనాలతో విడుదలైన 'టాక్సిక్‌', రామ్‌చరణ్‌ నటించిన 'పెద్ది', విజయ్‌ 'జన నాయగన్‌' వంటి చిత్రాలను అధిగమించింది.

వివరాలు

ఏడో వారాంతంలోనూ బాక్సాఫీస్‌ వద్ద జోరు

2026 వరల్డ్‌వైడ్‌ బాక్సాఫీస్‌ వసూళ్లలో 'ధురంధర్‌ 2', 'బోర్డర్‌ 2' తర్వాత 'హనుమాన్‌ అంశ్‌' మూడో స్థానంలో ఉన్నట్లు ట్రేడ్‌ రిపోర్టులు పేర్కొంటున్నాయి.

'పెద్ది' రూ.341.90 కోట్ల గ్రాస్‌ వసూళ్లతో, 'టాక్సిక్‌' రూ.341.99 కోట్లతో తమ థియేట్రికల్‌ రన్‌ను ముగించాయి.

మరోవైపు 'జన నాయగన్‌' సుమారు రూ.325 కోట్ల వసూళ్లు సాధించింది.

ఈ మూడు చిత్రాలను దాటిన 'హనుమాన్‌ అంశ్‌'.. ఏడో వారాంతంలోనూ బాక్సాఫీస్‌ వద్ద తన జోరు కొనసాగించింది.

వివరాలు

వారాల వారీగా భారీ వసూళ్లు

'హనుమాన్‌ అంశ్‌'మూడో వారంలో రూ.10.40కోట్ల వసూళ్లు సాధించింది. నాలుగో వారంలో కలెక్షన్లు ఒక్కసారిగా పెరిగి రూ.61కోట్లకు చేరాయి.

ఐదో వారంలో ఈ సినిమా ఏకంగా రూ.90.25కోట్లు కొల్లగొట్టింది. ఆరో వారంలోనూ జోరు కొనసాగిస్తూ రూ.80.25కోట్లు రాబట్టింది.

ఏడో వారాంతంలో రూ.28.50 కోట్ల నెట్‌ వసూళ్లు సాధించినట్లు సమాచారం.

రూ.2 కోట్ల బడ్జెట్‌తో.. రూ.366 కోట్ల వసూళ్లు

ఈ చిత్రాన్ని సుమారు రూ.2కోట్ల బడ్జెట్‌తో తెరకెక్కించినట్లు సమాచారం.

దేశీయ మార్కెట్‌లో రూ.280.93కోట్ల నెట్‌ వసూళ్లు,రూ.325.80కోట్ల గ్రాస్‌ సాధించింది.

ఓవర్సీస్‌ మార్కెట్‌ నుంచి మరో రూ.26.50కోట్లు వచ్చాయి. భారీ బడ్జెట్‌,స్టార్‌ హీరోల సినిమాలు పోటీలో ఉన్న సమయంలో ఓ చిన్న భక్తి ప్రధానమైన చిత్రం ఈ స్థాయిలో వసూళ్లు సాధించడం ట్రేడ్‌ వర్గాల్లో ఆసక్తిని రేకెత్తిస్తోంది.

వివరాలు

'బోర్డర్‌ 2' రికార్డుపై కన్ను

ఇక దేశీయ బాక్సాఫీస్‌లో 'హనుమాన్‌ అంశ్‌' ముందున్న తదుపరి లక్ష్యం 'బోర్డర్‌ 2'గా కనిపిస్తోంది.

'బోర్డర్‌ 2' తన థియేట్రికల్‌ రన్‌ను రూ.329.43 కోట్ల ఇండియా నెట్‌ వసూళ్లతో ముగించింది.

'హనుమాన్‌ అంశ్‌' ప్రస్తుతం రూ.275.88 కోట్ల ఇండియా నెట్‌ వద్ద ఉంది.

దీంతో 'బోర్డర్‌ 2' రికార్డును అధిగమించాలంటే ఈ సినిమాకు మరో రూ.53.55 కోట్ల నెట్‌ వసూళ్లు అవసరం.