Page Loader
హోమ్ / వార్తలు / సినిమా వార్తలు / Pawan Kalyan: 'హరి హరవీరమల్లు' కొత్త విడుదల తేదీని అధికారికంగా ప్రకటించిన నిర్మాణ సంస్థ 
Pawan Kalyan: 'హరి హరవీరమల్లు' కొత్త విడుదల తేదీని అధికారికంగా ప్రకటించిన నిర్మాణ సంస్థ 
'హరి హరవీరమల్లు' కొత్త విడుదల తేదీని అధికారికంగా ప్రకటించిన నిర్మాణ సంస్థ

Pawan Kalyan: 'హరి హరవీరమల్లు' కొత్త విడుదల తేదీని అధికారికంగా ప్రకటించిన నిర్మాణ సంస్థ 

వ్రాసిన వారు Sirish Praharaju
Mar 14, 2025
09:33 am
ఈ వార్తాకథనం ఏంటి

పవన్‌ కళ్యాణ్ అభిమానులు, సినీ ప్రియులు ఎంతో ఆసక్తిగా ఎదురుచూస్తున్న 'హరిహర వీరమల్లు' చిత్రం మే 9న విడుదల కానుందని నిర్మాణ సంస్థ అధికారికంగా ప్రకటించింది. పవన్‌ కళ్యాణ్ ప్రధాన పాత్రలో నటిస్తున్న ఈ పీరియాడిక్ యాక్షన్‌ అడ్వెంచర్‌ చిత్రానికి క్రిష్‌-జ్యోతికృష్ణలు దర్శకత్వం వహిస్తున్నారు. ఈ సినిమాను రెండు భాగాలుగా రూపొందిస్తుండగా, మొదటి భాగం చిత్రీకరణ చివరి దశకు చేరుకుంది. ఈ నేపథ్యంలోనే చిత్రబృందం 'హరి హర వీరమల్లు' కొత్త విడుదల తేదీని ప్రకటించింది.

వివరాలు 

కొత్త పోస్టర్‌ను విడుదల చేసిన  చిత్రబృందం 

మే 9న ప్రేక్షకుల ముందుకు రానున్న ఈ సినిమా కొత్త పోస్టర్‌ను విడుదల చేస్తూ, చిత్రబృందం హోలీ శుభాకాంక్షలు తెలిపింది. పోస్టర్‌లో పవన్‌ కల్యాణ్‌, నిధి అగర్వాల్‌ గుర్రపుస్వారీ చేస్తూ కనిపిస్తున్నారు. 17వ శతాబ్దం నేపథ్యంలో సాగే ఈ కథలో పవన్‌ చారిత్రాత్మక యోధుడిగా నటించగా, నిధి అగర్వాల్‌, బాబీ డియోల్, నర్గీస్‌ ఫక్రీ, నోరా ఫతేహి కీలక పాత్రలు పోషించారు. ఈ చిత్రాన్ని మెగా సూర్య ప్రొడక్షన్స్‌ బ్యానర్‌పై ఎ. దయాకర్ రావు నిర్మిస్తుండగా, ఎ.ఎం. రత్నం సమర్పకుడిగా వ్యవహరిస్తున్నారు. సంగీతాన్ని ఎం.ఎం. కీరవాణి అందిస్తున్నారు.

ట్విట్టర్ పోస్ట్ చేయండి

నిర్మాణ సంస్థ చేసిన ట్వీట్