నేరుగా ఆహాలోకి విడుదల కానున్న హెబ్బాపటేల్ కొత్త సినిమా.. రిలీజ్ ఎప్పుడో తెలుసా
టాలీవుడ్ హీరోయిన్ హెబ్బాపటేల్ ప్రధాన పాత్రగా తెరకెక్కిన తాజా సినిమా నేరుగా ఓటీటీలోనే ప్రేక్ష‌కుల ముందుకు రానుంది. ఈ మేరకు, సినిమా టైటిల్‌తో పాటు రిలీజ్ డేట్‌, ఓటీటీ తదితర వివరాలను చిత్ర యూనిట్ మంగ‌ళ‌వారం ప్రకటించింది. ఈ చిత్రానికి ది గ్రేట్ ఇండియ‌న్ సూసైడ్ అనే పేరును ఖ‌రారు చేసినట్లు తెలిపింది.అక్టోబ‌ర్ 6న ఆహా ఓటిటిలో మూవీ రిలీజ్ చేస్తున్నట్లు వెల్లడించింది. ఆంధ్రప్రదేశ్ మ‌ద‌న‌ప‌ల్లిలోని యథార్థ ఘ‌ట‌న ఆధారంగా ఈ చిత్రం తెర‌కెక్కింది.ఓ కుటుంబం ఎందుకు బలవన్మరణాలకు పాల్ప‌డాల‌ని అనుకుంటోంది. మరణించిన వారు మ‌ళ్లీ పుడ‌తార‌ని బాధిత కుటుంబం ఎలా నమ్మింది తదితర విషయాల ఆధారంగా సినిమా రూపొందింది. హెబ్బాప‌టేల్‌తో రామ్ కార్తిక్, న‌రేష్, ప‌విత్రా లోకేష్ కీల‌క పాత్ర‌లు పోషించారు.
