Varun Lavanya : వరుణ్ లావణ్య పెళ్లి ముహూర్తం ఇదే.. పూర్తి వివరాలు తెలుసా
గత ఆరేళ్లుగా ప్రేమలో మునిగిన వరుణ్ తేజ్, లావణ్య త్రిపాఠి విదేశాల్లో పెళ్లి చేసుకోబోతున్నారు. పెద్దల్ని ఒప్పించి మరీ ఒక్కటవుతున్న ఈ ప్రేమ జంట, తాము తొలిసారి కలిసిన ఇటలీలోనే పెళ్లి పీటలెక్కాలని నిర్ణయించుకున్నారు. ఈ మేరకు డెస్టినేషన్ వెడ్డింగ్ సిద్ధం చేసుకున్నారు. తాజాగా మూడు రోజుల పెళ్లి వేడుకలో పూర్తి వివరాలతో కూడిన ఓ ఆహ్వాన పత్రికా విడుదలైంది. అక్టోబర్ 31 - ఉదయం హల్దీ అక్టోబర్ 31 - సాయంత్రం మెహందీ నవంబర్ 1 - మధ్యాహ్నం 2.48 నిమిషాలకు పెళ్లి ముహుర్తం నవంబర్ 1 - రాత్రి 8:30 గంటలకు రిసెప్షన్
పెళ్లి కోసం ఇటలీకి హీరో నితిన్
ఇప్పటికే మెగా హీరో వరుణ్ తేజ్, హీరోయిన్ లావణ్య త్రిపాఠి నిశ్చితార్థం జూన్ లో ఘనంగా జరిగింది. ఇదే సమయంలో భారతదేశంలోనే ప్రీ వెడ్డింగ్ సెలబ్రేషన్స్ చేసుకున్నారు. మెగా ఫ్యామిలీతో సహా హీరో నితిన్ కూడా ఇటలీలోని టుస్కానీ చేరుకున్నాడు. ఈ మేరకు పెళ్లి బస్ ఫొటోను షేర్ చేశాడు. మరోవైపు నవంబరు 5న, ఆదివారం హైదరాబాద్ వేదికగా గ్రాండ్ రిసెప్షన్ పార్టీకి ఏర్పాట్లు జరుగుతున్నాయి. ఈ వేడుకకు తెలుగు రాష్ట్రాల సినీ, రాజకీయ ప్రముఖులు హాజరుకానున్నట్లు సమాచారం.
