Varun Tej: 'కొరియన్ కనకరాజు'గా అలరించనున్న వరుణ్ తేజ్.. రిలీజ్ డేట్ ఫిక్స్
ఈ వార్తాకథనం ఏంటి
మెగా హీరో వరుణ్ తేజ్ ప్రధాన పాత్రలో నటిస్తున్న తాజా చిత్రం 'కొరియన్ కనకరాజు' ప్రేక్షకుల ముందుకు వచ్చేందుకు సిద్ధమైంది. దర్శకుడు మేర్లపాక గాంధీ రూపొందించిన ఈ చిత్రాన్ని రాజీవ్ రెడ్డి, సాయిబాబు జాగర్లమూడి సంయుక్తంగా నిర్మించారు. ఇందులో రితికా నాయక్ కథానాయికగా నటించగా, నటుడు సత్య కీలక పాత్రలో కనిపించనున్నారు. ఈ సినిమాను ఆగస్టు 7న థియేటర్లలో విడుదల చేయనున్నట్లు చిత్రబృందం అధికారికంగా ప్రకటించింది. విడుదల తేదీని వెల్లడిస్తూ "కనకరాజు వచ్చేస్తున్నాడమ్మీ.." అనే క్యాప్షన్తో కొత్త పోస్టర్ను విడుదల చేసింది.
వివరాలు
ఆకట్టుకుంటున్న పోస్టర్..
ఆ పోస్టర్లో వరుణ్ తేజ్ మాస్ అవతార్లో ఆకట్టుకున్నారు. ఒక చేతిలో కత్తి, మరో చేతిలో గ్రెనేడ్ పట్టుకుని స్టైలిష్గా కుర్చీలో కూర్చున్న ఆయన లుక్ అభిమానుల్లో ఆసక్తిని పెంచుతోంది. వినోదాత్మక హారర్ నేపథ్యంలో రూపొందుతున్న ఈ చిత్రానికి సంగీతాన్ని ఎస్. తమన్ అందిస్తున్నారు. సినిమాకు మనోజ్ రెడ్డి కాటసాని సినిమాటోగ్రఫీ బాధ్యతలు నిర్వహిస్తున్నారు.