హాయ్ నాన్న మూవీ: సెకండ్ సింగిల్ పై అప్డేట్ ఇచ్చిన టీమ్
నేచురల్ స్టార్ నాని, సీతారామం బ్యూటీ మృణాల్ ఠాకూర్ నటిస్తున్న చిత్రం హాయ్ నాన్న. కొత్త దర్శకుడు శౌర్యువ్ రూపొందిస్తున్న ఈ సినిమా నుండి ఇది వరకు ఒక పాట రిలీజైంది. సమయమా అంటూ సాగే పాటకు ప్రేక్షకుల నుండి మంచి రెస్పాన్స్ వచ్చింది. ప్రస్తుతం రెండవ పాట రిలీజ్ కు సమయం వచ్చేసింది. ఈ మేరకు ఒకానొక వీడియోను రిలీజ్ చేసి మరీ గాజుబొమ్మ అనే పాటను రిలీజ్ కాబోతుందని మేకర్స్ వెల్లడి చేసారు. అక్టోబర్ 6వ తేదీన పూర్తి పాట రిలీజ్ కాబోతుందని తెలియజేసారు. హేషమ్ అబ్దుల్ వాహెబ్ సంగీతం అందించిన ఈ సినిమాను వైరా ఎంటర్ టైన్మెంట్స్ బ్యానర్ పై మోహన్ చెరుకూరి, విజేందర్ రెడ్డి తీగల నిర్మించారు.
