'OG'లో అకీరా సీన్స్ హైలైట్స్.. కీలక సన్నివేశాల చిత్రీకరణ పూర్తి
ఈ వార్తాకథనం ఏంటి
పవర్ స్టార్ పవన్ కళ్యాణ్ నటిస్తున్న అత్యంత ప్రతిష్టాత్మక చిత్రం 'OG' షూటింగ్ మళ్లీ మొదలైంది.
రాజకీయ కారణాలతో కొంతకాలం పాటు వాయిదా పడిన ఈ చిత్రం ఇప్పుడు తిరిగి వేగం పుంజుకుంది.
డివివి దానయ్య నిర్మాణంలో అత్యంత భారీ బడ్జెట్‌తో రూపొందుతున్న ఈ సినిమాకు యువ దర్శకుడు సుజీత్ దర్శకత్వం వహిస్తున్నారు.
హైదరాబాద్‌లోని రామోజీ ఫిల్మ్ సిటీలో ప్రస్తుతం ఈ సినిమా చిత్రీకరణ జరుగుతోంది. OG సినిమాకు తాజాగా మరో విషయం బయటికొచ్చింది.
ఈ సినిమాలో పవన్ కళ్యాణ్ తనయుడు అకీరా నందన్ ముఖ్య పాత్రలో కనిపించనున్నాడు. రెండు రోజుల క్రితం అకీరా సంబంధించి కీలక సన్నివేశాలను పూర్తి చేశారు.
Details
వచ్చే సమ్మర్ లో రిలీజ్
సినిమా చివర్లో వచ్చే ఈ సీన్ హైలైట్‌గా నిలవనుందని యూనిట్ చెబుతోంది. అయితే పవన్ కళ్యాణ్, అకీరా ఒకే ఫ్రేమ్‌లో కనిపిస్తారా అనే విషయంలో ఇంకా స్పష్టత లేదు.
అకీరా టాలీవుడ్ ఎంట్రీపై పవన్ అభిమానులు తెగ సంతోష పడుతున్నారు. తండ్రి వారసుడు తెరంగేట్రం చేయనుండటం పట్ల ఫ్యాన్స్ ఈ మూవీ కోసం అతృతుగా ఎదురుచూస్తున్నారు.
కోల్‌కతా నేపథ్యంలో సాగే ఈ యాక్షన్ ఎంటర్టైనర్‌ను వచ్చే ఏడాది సమ్మర్ లో విడుదల చేయడానికి మేకర్స్ సన్నాహాలు చేస్తున్నారు.