IIFM Awards 2023: : సీతారామం చిత్రానికి అవార్డు; మృణాల్ ఠాకూర్కు ప్రత్యేక పురస్కారం
ఇండియన్ ఫిల్మ్ ఫెస్టివల్ ఆఫ్ మెల్ బోర్న్ 2023 అవార్డుల్లో సీతారామం సినిమాకు ఉత్తమ చిత్రంగా అవార్డు లభించింది. హను రాఘవపూడి దర్శకత్వంలో తెరకెక్కిన ఈ సినిమాలో దుల్కర్ సల్మాన్, మృణాల్ ఠాకూర్ హీరో హీరోయిన్లుగా నటించారు. గతేడాది ఆగస్టులో రిలీజైన ఈ చిత్రం, తెలుగు ప్రేక్షకులను విశేషంగా ఆకట్టుకుంది. 90కోట్ల కలెక్షన్లతో బాక్సాఫీసు వద్ద ప్రభంజనం సృష్టించింది. ఐఐఎఫ్ఎమ్ 2023 అవార్డ్స్ వేడుకలు ఈ నెల 20వ తేదీ వరకు జరగనున్నాయి. ఈ అవార్డ్స్ లో సీతారామం బ్యూటీ మృణాల్ ఠాకూర్ కు డైవర్సిటీ అవార్డ్ దక్కింది. ఉత్తమ నటిగా మిసెస్ ఛటర్జీ వర్సెస్ నార్వే సినిమాలో నటనకు గానూ రాణీ ముఖర్జీ అందుకుంది.