Tejas Trailer : అదిరిపోయిన యాక్షన్ థ్రిల్లర్ 'తేజస్' ట్రైలర్.. యుద్ధ విమాన పైలెట్‌గా కంగనా
బాలీవుడ్ స్టార్ హీరోయిన్ కంగనా రనౌత్ ఎంతో ఆసక్తిగా ఎదురుచూస్తున్న చిత్రం తేజస్. మూడేళ్ల నుంచి చిత్రీకరణ దశలో ఉన్న మూవీ ఈ ఏడాది థియేటర్లలో సందడి చేయనుంది. ఇప్పటికే ఈ మూవీ నుండి రిలీజైన్ ఫస్ట్ లుక్ టీజర్‌కు అదిరిపోయే స్పందన లభించింది. ఈ నేపథ్యంలో ఎయిర్ ఫోర్స్ డే సందర్భంగా మేకర్ ఇవాళ తేజస్ ట్రైలర్‌ను రిలీజ్ చేశారు. ట్రైలర్‌ను చూస్తే ఈ సినిమాపై అంచనాలు మరింతగా పెరిగాయి. ఈ చిత్రంలో దేశం కోసం పోరాడుతూ వైమానిక దళంలో పనిచేస్తున్న కంగనా వైమానిక యుద్ధ విన్యాసాలు అభిమానులకు ఎంతగానో ఆకట్టుకుంటున్నాయి. సర్వేష్ మేవారా దర్శకత్వం వహించిన ఈ సినిమాను అక్టోబర్ 27న విడుదల చేయనున్నారు.
