అల్లు అర్జున్ డైలీ రొటీన్ ఎలా ఉంటుందో తెలుసా? ఇన్స్ టాగ్రామ్ పంచుకున్న వీడియో చూడండి
ఐకాన్ స్టార్ అల్లు అర్జున్ తో ఇన్ స్టాగ్రామ్ కోలాబరేషన్ అయింది. ఈ కొలాబరేషన్ లో భాగంగా ఇంట్రెస్టింగ్ వీడియోను ఇన్ స్టాగ్రామ్ షేర్ చేసింది. ఈ వీడియోలో అల్లు అర్జున్ మాట్లాడుతూ, తన డైలీ రొటీన్ ఎలా ఉంటుందో చెప్పుకొచ్చారు. ఉదయం లేవగానే గార్డెన్లో తాను సమయం గడుపుతానని అందమైన గార్డెన్ ని చూపించారు. ఆ తర్వాత వేడి వేడి కాఫీ చాలా ఇష్టమని అల్లు అర్జున్ తెలియజేశారు. ఇంకా అక్కడినుండి పుష్ప 2 షూటింగ్ జరుగుతున్న రామోజీ ఫిలిం సిటీకి అల్లు అర్జున్ వెళ్లారు. అల్లు అర్జున్ కార్లో ఫిలిం సిటీకి వెళ్తుంటే అభిమానులందరూ గోల చేస్తున్న దృశ్యాలు ఈ వీడియోలో కనిపించాయి.
పుష్పరాజ్ గెటప్ లో అల్లు అర్జున్
రామోజీ ఫిలిం సిటీ ఎంట్రన్స్ నుండి డైరెక్ట్ గా పుష్ప 2 సెట్స్ లోకి అల్లు అర్జున్ వెళ్లారు. పుష్ప 2 మూవీలో అల్లు అర్జున్ వేసుకునే కాస్ట్యూమ్స్, పుష్పరాజ్ గెటప్, క్యారవాన్ లో సుకుమార్ ని కలవడం, సుకుమార్ తో తనకు 20 ఏళ్లుగా ఉన్న స్నేహం మొదలైన విషయాలన్నీ అల్లు అర్జున్ తెలియజేశారు. ప్రస్తుతం ఇన్ స్టాగ్రామ్ లో ఈ వీడియో వైరల్ అవుతోంది. ఇండియాలో మొట్టమొదటిసారిగా ఒక సినిమా నటుడితో ఇన్ స్టాగ్రామ్ కోలాబరేట్ కావడం ఇదే మొదటిసారి. అదలా ఉంచితే, ఇటీవల అల్లు అర్జున్ జాతీయ ఉత్తమ నటుడిగా ఎంపికయ్యారు పుష్ప సినిమాలోని నటనకు గాను ఆయనకు ఈ అవార్డు దక్కింది.
