సూపర్ స్టార్ రజినీకాంత్ జైలర్ ఓటీటీ విడుదల రేపే: స్ట్రీమింగ్ ఎక్కడ అవుతుందంటే?
ఈ వార్తాకథనం ఏంటి
సూపర్ స్టార్ రజనీకాంత్ హీరోగా నటించిన జైలర్ సినిమా బాక్సాఫీస్ వద్ద వసూళ్ల వర్షాన్ని కురిపించింది. ఆగస్టు 10వ తేదీన రిలీజైన ఈ చిత్రం ఇప్పటివరకు 635కోట్లకు పైగా కలెక్షన్లను రాబట్టింది.
ఇప్పటికీ జైలర్ సినిమాను చూసేందుకు జనం ఎగబడుతున్నారంటే జైలర్ మేనియా ఏ లెవెల్ లో ఉందో అర్థం చేసుకోవచ్చు.
అటు తమిళ వెర్షన్ లో, ఇటు డబ్బింగ్ వెర్షన్ల లో జైలర్ సినిమా దుమ్ము దులిపింది. తెలుగు వెర్షన్ లో 100కోట్ల గ్రాస్ కలెక్షన్లను జైలర్ సినిమా సాధించినట్లు ట్రేడ్ వర్గాలు చెబుతున్నాయి.
థియేటర్లలో వసూళ్ల సునామీని సృష్టించిన జైలర్ సినిమా ఓటీటీ విడుదలకు సిద్ధమవుతోంది.
Details
అన్ని భాషల్లో అందుబాటులోకి వస్తున్న జైలర్
గత కొన్ని రోజులుగా జైలర్ సినిమా ఓటీటీ విడుదలపై అనేక వార్తలు వచ్చాయి. వాటన్నింటినీ పక్కన పెడితే అధికారిక సమాచారం ప్రకారం, సెప్టెంబర్ 7వ తేదీ నుండి జైలర్ సినిమా ఓటీటీలో అందుబాటులో ఉండనుంది.
అమెజాన్ ప్రైమ్ వీడియో ఫ్లాట్ ఫామ్ లో తెలుగు, తమిళం, కన్నడ, మలయాళం, హిందీ భాషల్లో జైలర్ మూవీ అందుబాటులో ఉండనుంది. థియేటర్లలో జైలర్ సినిమాను మిస్సయినవారు ఇకపై ఓటీటీలో చూసేయవచ్చు.
జైలర్ చిత్రంలో రమ్యకృష్ణ, తమన్నా భాటియా నటించారు. అతిధి పాత్రల్లో మలయాళం స్టార్ మోహన్ లాల్, కన్నడ స్టార్ శివరాజ్ కుమార్ కనిపించారు. జైలర్ సినిమాకు సంగీతాన్ని మ్యూజిక్ సెన్సేషన్ అనిరుధ్ రవిచందర్ అందించారు.