Japan Review: 'జపాన్' సినిమా రివ్యూ.. ప్రేక్షకులను కార్తీ మెప్పించాడా..?
ఈ వార్తాకథనం ఏంటి
హీరో కార్తి 25వ చిత్రంగా 'జపాన్' సినిమాతో దీపావళి కానుకగా నేడు నవంబర్ 10న ప్రేక్షకుల ముందుకి వచ్చాడు.
రాజు మురగన్ దర్శకత్వంలో హైస్ట్ థ్రిల్లర్‌గా డ్రీమ్ వారియర్ పిక్చర్స్ పతాకంపై ఈ సినిమాను నిర్మించారు.
ఇందులో అను ఇమ్మాన్యుయేల్ హీరోయిన్‌గా నటించింది.
ఈ మూవీ రివ్యూ ఎలా ఉందో చూద్దాం.
ఓ పెద్ద జ్యువెలరీ షాప్‌లో రూ.200 కోట్ల నగలు దొంగతనంతో జపాన్ కథ ప్రారంభమవుతంది. అది జపాన్(కార్తీ) చేశాడని పోలీసులు గుర్తించి అతని కోసం పోలీసులు వెతుకుతుంటారు.
ఈ దొంగతనం కేసులో జపాన్‌కు అనుకూలంగా ఒక్క సాక్ష్యం కూడా దొరకదు.
జపాన్ తాను ప్రేమించిన అను ఇమ్మాన్యుయేల్ కోసం వెళ్లే ఆ సమయానికి జపాన్ ను పోలీసులు పట్టుకుంటారు.
Details
జపాన్ క్యారెక్టర్ కి న్యాయం చేసిన కార్తి
అప్పుడు జపాన్ దొంగతనం చేయలేదని పోలీసులు గుర్తిస్తారు.
అసలు ఆ దొంగతనం ఎవరు చేసారు? అసలు జపాన్ ఎందుకు దొంగతనాలు చేస్తున్నాడు అనేది తెలియాలంటే ఈ సినిమా చూడాల్సిందే.
ఫస్ట్ హాఫ్ అంతా జపాన్ క్యారెక్టర్ గురించి చెప్పడం, ఆ దొంగతనం గురించి పోలీసుల కేసు, అక్కడక్కడా సాగదీసినట్లు అనిపించినా కార్తీ కామెడీ పుట్టించడానికి ట్రై చేశాడు.
ఈ సినిమాలో జపాన్ క్యారెక్టర్ లో కార్తీ న్యాయం చేశాడు. ఇక నెగిటివ్ షేడ్స్ ఉన్న పోలీస్ ఆఫీసర్‌గా సునీల్, విజయ్ నిజాయతీ పోలీస్ ఆఫీసర్‌గా ప్రేక్షకుల్ని మెప్పిస్తారు.
మొత్తంగా ఓ దొంగ కథ ఎలా అంతమైంది అనే కథని కామెడీగా చెప్పడానికి డైరక్టర్ ట్రై చేశాడు.