War 2 Trailer: ఎన్టీఆర్, హృతిక్ 'వార్ 2' సినిమా ట్రైలర్ విడుదల..
ఈ వార్తాకథనం ఏంటి
టాలీవుడ్ యంగ్ టైగర్ జూనియర్ ఎన్టీఆర్, బాలీవుడ్ యాక్షన్ స్టార్ హృతిక్ రోషన్ కలిసి నటిస్తున్న స్పై యాక్షన్ థ్రిల్లర్ 'వార్ 2' సినిమాపై తెలుగు, హిందీ చిత్రసీమల్లోనే కాదు, దేశవ్యాప్తంగా ప్రేక్షకులలో భారీ ఉత్కంఠ నెలకొంది. ఇప్పటికే ఈ సినిమాకు సంబంధించిన టీజర్ విడుదలై, ప్రేక్షకుల్లో భారీ ఆసక్తిని రేపగా, ఇప్పుడు థియేట్రికల్ ట్రైలర్‌ను శుక్రవారం మేకర్స్ విడుదల చేశారు. ఈ ట్రైలర్‌ను రెండు తెలుగు రాష్ట్రాల్లో 100కు పైగా థియేటర్లలో ప్రత్యేకంగా తెలుగులో విడుదల చేయడం విశేషం. ఈ గ్రాండ్ రిలీజ్ వలన సినిమాపై ఆసక్తి మరింత పెరిగింది.
వివరాలు
పవర్ ఫుల్ గా జూనియర్ ఎన్టీఆర్ క్యారెక్టర్
ట్రైలర్‌ను గమనిస్తే, ఈ సినిమా బాక్స్ ఆఫీస్ వద్ద ఖచ్చితంగా భారీ హిట్ అవుతుందని అంచనా వేయొచ్చు. "ప్రేమించిన వారందరిని వదిలివేసినా యుద్ధం మాత్రం ఆపను" అంటూ హృతిక్ రోషన్ క్యారెక్టర్ ప్రారంభ సన్నివేశాల్లో వెల్లడిస్తే, ఆ వెంటనే "ఎవ్వరూ చేయలేని పనిని నేనెంతైనా చేసి చూపిస్తాను" అంటూ ఎన్టీఆర్ పాత్ర శక్తివంతంగా తెరపైకి వచ్చింది. ట్రైలర్ మొత్తంలో ఇద్దరూ వేర్వేరు సంభాషణల్లో కనిపించినా, చివర్లో మాత్రం వారి లక్ష్యం ఒకటే అని స్పష్టమవుతుంది. "నేను ఇండియన్... నేను కూడా ఇండియన్" అనే డైలాగ్ ద్వారానే ఇద్దరూ దేశం కోసం పోరాడుతున్నారనే విషయం తేటతెల్లమవుతుంది. అయితే, వారి విధానాలు భిన్నంగా ఉండటమే కథలో కీలకం అన్న భావన స్పష్టమవుతుంది.
వివరాలు
నువ్వు సోల్జర్, తను సోల్జర్.. మీ ఇద్దరి మధ్య జరిగేది వార్
ట్రైలర్ చివర్లో వినిపించే"నీవు సోల్జర్... అతను సోల్జర్... మీ మధ్య జరుగేది వార్"అనే డైలాగ్, కథ ఉత్కంఠను పెంచుతూ ముగుస్తుంది. ఎన్టీఆర్,హృతిక్ మధ్య వచ్చే యాక్షన్ సన్నివేశాలు ఈ చిత్రానికి ప్రధాన ఆకర్షణగా నిలుస్తాయని స్పష్టంగా అర్థమవుతుంది. ఇక హీరోయిన్ కియారా అద్వానీ పాత్ర కూడా ట్రైలర్‌లో ఆకట్టుకునేలా ఉంది. కొన్ని సన్నివేశాల్లో హృతిక్‌తో రొమాంటిక్ కాంబినేషన్‌గా కనిపించగా,మరికొన్ని యాక్షన్ సీక్వెన్స్‌లలో కూడా ఆమె పాత్ర కీలకంగా కనిపించింది. ఈభారీ అంచనాల చిత్రం ఆగస్టు 14నప్రపంచవ్యాప్తంగా విడుదలకు సిద్ధమవుతోంది. ఈసినిమాపై హిందీ ప్రేక్షకుల్లోనే కాదు,తెలుగు ప్రేక్షకుల్లోను అపారమైన ఆసక్తి నెలకొంది. ఇక ఎన్టీఆర్,హృతిక్ ఇద్దరికీ దేశవ్యాప్తంగా విశేష ఫాలోయింగ్ ఉన్నందున,ఈ చిత్రం పాన్ ఇండియా స్థాయిలో ఎలా విజయం సాధిస్తుందో ఉత్కంఠగా ఎదురుచూస్తున్నారు.
ట్విట్టర్ పోస్ట్ చేయండి
నిర్మాణ సంస్థ చేసిన ట్వీట్
Get ready for the storm, the WAR begins now! #War2Trailer is out!#War2 releasing in Hindi, Telugu & Tamil on August 14th in cinemas
— Yash Raj Films (@yrf) July 25, 2025
worldwide! @iHrithik | @tarak9999 | @advani_kiara | #AyanMukerji | #YRFSpyUniverse pic.twitter.com/Lkphc4afYt