NTR: దేవర బ్లాక్ బస్టర్.. స్పెషల్ నోట్‌ను సోషల్ మీడియాలో షేర్ చేసిన ఎన్టీఆర్
ఈ వార్తాకథనం ఏంటి
సెప్టెంబర్ 27న విడుదలైన దేవర సినిమా 500 కోట్ల క్లబ్‌లో చేరి, ఇప్పటికీ థియేటర్లో సక్సెస్‌ఫుల్‌గా ప్రదర్శితమవుతోంది.
ఈ సందర్భంగా, దేవర చిత్రాన్ని విజయవంతం చేసినందుకు జూనియర్ ఎన్టీఆర్ ఒక ప్రత్యేక నోట్‌ను సోషల్ మీడియా ద్వారా షేర్ చేశారు.
వివరాలు
దర్శకుడు కొరటాల శివ గారికి ధన్యవాదాలు: ఎన్టీఆర్
"దేవర పార్ట్ 1కి అందుతున్న అద్భుతమైన స్పందనకు నా హృదయపూర్వక కృతజ్ఞతలు.ఈ సినిమా ఎప్పటికీ నా హృదయంలో ప్రత్యేక స్థానం కలిగి ఉంటుంది. నా సహ నటులైన సైఫ్ అలీ ఖాన్ సర్, జాన్వీ, ప్రకాష్ రాజ్ గారు, శ్రీకాంత్ గారు,ఇతర నటీనటులకు నా హృదయపూర్వక ధన్యవాదాలు. వారు తమ పాత్రలకు ప్రాణం పోసి, మా కథకు జీవం ఇచ్చారు. నా దర్శకుడు కొరటాల శివ గారికి ధన్యవాదాలు. ఈ కథను సృష్టించిన ఆయన దిశానిర్దేశంతోనే ఈ ప్రాజెక్ట్ విజయవంతమైంది. అనిరుధ్ అద్భుతమైన సంగీతం, రత్నవేలు సర్ సినిమాటోగ్రఫీ, సాబు సర్ ప్రొడక్షన్ డిజైన్, యుగంధర్ గారు వీఎఫ్ఎక్స్, శ్రీకర్ ప్రసాద్ గారు ఎడిటింగ్ తో ఈ చిత్రాన్ని అద్భుతంగా మలిచినందుకు ధన్యవాదాలు."
వివరాలు
ఆదరణ చూపిస్తున్న ప్రేక్షక దేవుళ్లకు నా ధన్యవాదాలు
"మా సినిమాను విజయవంతంగా ప్రదర్శించిన పంపిణీదారులు,థియేటర్ ప్రదర్శకులకు ధన్యవాదాలు.నా సినీ పరిశ్రమ మిత్రులకు, వారు అందించిన ప్రేమకు ధన్యవాదాలు. అలాగే, దేశవ్యాప్తంగా ఉన్న మీడియాకు మా సినిమాను విశేషంగా ప్రోత్సహించినందుకు కృతజ్ఞతలు. మా నిర్మాతలు సుధాకర్ మిక్కిలినేని గారు,హరికృష్ణ కొసరాజు గారికి ఈ ప్రాజెక్ట్ విజయవంతంగా రూపొందించినందుకు ధన్యవాదాలు. ప్రపంచ నలుమూలల ఇంతటి ఆదరణ చూపిస్తున్న ప్రేక్షక దేవుళ్లకు నా ధన్యవాదాలు. నా కుటుంబ సభ్యులైన నా అభిమానులందరికీ, గత నెల రోజులుగా దేవర చిత్రాన్ని ఒక పండుగలా జరుపుకుంటున్నందుకు శిరస్సు వంచి ధన్యవాదాలు తెలుపుకుంటున్నాను."
వివరాలు
గర్వపడే చిత్రాలు చేస్తూనే ఉంటాను: ఎన్టీఆర్
"మీరు చూపించే ప్రేమ, అభిమానమే నన్ను ఈ స్థాయికి చేర్చింది. నేను ఎల్లప్పుడూ గర్వపడే చిత్రాలు చేస్తూనే ఉంటాను. 'దేవర పార్ట్ 1' చిత్రాన్ని మీ భుజాలపై మోసి, ఇంతటి ఘన విజయవంతంగా మార్చినందుకు కృతజ్ఞతలు," అంటూ ఎన్టీఆర్ ఎమోషనల్ అయ్యారు.