బాలీవుడ్ మూవీలో బాద్ షా: హృతిక్ రోషన్ తో నటించనున్న జూనియర్ ఎన్టీఆర్
జూనియర్ ఎన్టీఆర్ బాలీవుడ్ అరంగేట్రం కన్ఫామ్ అయ్యింది. ఆర్ఆర్ఆర్ తర్వాత అత్యంత పాపులారిటీ దక్కించుకున్న ఎన్టీఆర్, ఇప్పుడు బాలీవుడ్ లోకి అడుగుపెడుతున్నాడు. హృతిక్ రోషన్ హీరోగా నటిస్తున్న వార్ 2 సినిమాలో జూనియర్ ఎన్టీఆర్ మరో హీరోగా కనిపిస్తున్నాడు. ఈ మేరకు ట్రేడ్ అనలిస్ట్ తరణ్ ఆదర్శ్, అధికారిక సమాచారాన్ని బయటపెట్టాడు. వార్ 2 సినిమాను బ్రహ్మాస్త్రం ఫేమ్, అయాన్ ముఖర్జీ డైరెక్ట్ చేస్తున్నారు. యష్ రాజ్ ఫిలిమ్స్ బ్యానర్ లో ఈ సినిమా రూపొందనుంది. అదలా ఉంచితే ప్రస్తుతం కొరటాల శివ దర్శకత్వంలో ఎన్టీఆర్ 30 సినిమా చేస్తున్నాడు జూనియర్ ఎన్టీఆర్. ఎన్టీఆర్ 30 సినిమా, 2024 ఏప్రిల్ 5వ తేదీన రిలీజ్ అవుతుంది.
