Kantara Chapter 1 : కాంతార ప్రీక్వెల్ రిలీజ్ డేట్ ఖరారు.. ఎప్పుడంటే?
కన్నడ హీరో రిషబ్ శెట్టి దర్శకత్వంలో రూపొందిన సినిమా 'కాంతార' 2022లో విడుదలై ప్రపంచవ్యాప్తంగా అద్భుతమైన విజయాన్ని సాధించింది. రూ. 16 కోట్ల రూపాయల బడ్జెట్‌తో రూపొందిన ఈ సినిమా, 400 కోట్ల గ్రాస్ కలెక్షన్లు సాధించి, కన్నడ సినీ పరిశ్రమకు కొత్త హైప్ తెచ్చింది. 'కాంతార' ప్రపంచవ్యాప్తంగా వివిధ భాషలలో విడుదలై మంచి విజయం సాధించగా, తెలుగులో కూడా రూ.25 కోట్లను వసూలు చేసింది. ఈ సినిమాతో రిషబ్ శెట్టి దేశవ్యాప్తంగా నేషనల్ స్టార్‌గా నిలిచారు.
2025 అక్టోబర్ 2 రిలీజ్
ఇప్పుడు, కాంతార ప్రీక్వెల్ చిత్రీకరణ దశలో ఉన్నట్లు ప్రకటించారు. కాంతార చాప్టర్ 1 సినిమాను 2025 అక్టోబర్ 2న విడుదల చేయాలని అధికారికంగా ప్రకటించారు. ఈ మేరకు మూవీ యూనిట్ ఫ్యాన్స్‌కు బిగ్ అప్‌డేట్ ఇచ్చింది. రిషబ్ శెట్టి ఫ్యాన్స్ కాంతార ప్రీక్వెల్ విడుదల కోసం ఆసక్తిగా ఎదురుచూస్తున్నారు. అయితే ఈసారి కాంతార ప్రీక్వెల్ ఎంత పెద్ద విజయం సాధిస్తుందో వేచిచూడాలి.
