వార్ 2 సినిమాలో నటించడంపై నోరు విప్పిన కియారా అద్వానీ
ఈ వార్తాకథనం ఏంటి
జూనియర్ ఎన్టీఆర్ ప్రస్తుతం కొరటాల శివ దర్శకత్వంలో దేవర సినిమాతో చాలా బిజీగా ఉన్నారు. ఈ చిత్ర షూటింగ్ శరవేగంగా జరుగుతోంది.
దేవర తర్వాత జూనియర్ ఎన్టీఆర్ లైనప్ లో ప్రశాంత్ నీల్ దర్శకత్వంలోని సినిమాతో పాటు బాలీవుడ్ మూవీ వార్ 2 కూడా ఉంది. ఈ సినిమాలో హృతిక్ రోషన్ కూడా నటిస్తున్నాడు.
యష్ రాజ్ ఫిలిమ్స్ బ్యానర్ లో తెరకెక్కుతున్న ఈ క్రేజీ మల్టీస్టారర్ లో బాలీవుడ్ భామ కియారా అద్వానీ హీరోయిన్ గా కనిపించనుందని గతంలో వార్తలు వచ్చాయి.
తాజాగా ఈ విషయమై, ఫిలిం కంపానియన్ కు ఇచ్చిన ఇంటర్వ్యూలో కియారా అద్వానీ రెస్పాండ్ అయ్యింది.
Details
గేమ్ ఛేంజర్ రిలీజ్ పై కియారా క్లారిటీ
వార్ 2 సినిమాలో మీరు హీరోయిన్ గా నటిస్తున్నారా అని ప్రశ్న అడగడంతో, సమాధానం చెప్పకుండా చిన్న నవ్వు నవ్వింది కియారా. అధికారికంగా సమాచారం వచ్చేవరకు తాను ఈ విషయమై రెస్పాండ్ కానని చెప్పుకొచ్చింది.
వార్ వంటి యాక్షన్ సినిమాల్లో నటించడం తన చాలా ఇష్టమని, అలాగే ఎన్టీఆర్, హృతిక్ రోషన్ వంటి దిగ్గజాలతో పనిచేయాలని ఉందని తన కోరికను బయటపెట్టింది.
అంతేకాదు, రామ్ చరణ్ తో నటిస్తున్న గేమ్ ఛేంజర్ సినిమాపై కొన్ని మాటలు మాట్లాడింది.
ఈ సంవత్సరం పూర్తయ్యేలోగా గేమ్ ఛేంజర్ సినిమా షూటింగ్ కంప్లీట్ అవుతుందని, వచ్చే సంవత్సరం సినిమాను విడుదల చేసేందుకు ప్లాన్ జరుగుతోందని కియారా వెల్లడి చేసింది.