Kick 3: కిక్-3తో మరోసారి రవితేజ-సురేందర్ రెడ్డి మ్యాజిక్ ..!
ఈ వార్తాకథనం ఏంటి
టాలీవుడ్లో స్టైలిష్ దర్శకులలో ఒకరిగా పేరుపొందిన సురేందర్ రెడ్డి మళ్లీ రవితేజతో కలిసి సినిమా చేయబోతున్నాడని వార్త ఇప్పుడు ఫిల్మ్నగర్లో హాట్టాపిక్గా మారింది. 'అతనొక్కడే'తో ఇండస్ట్రీకి పరిచయమైన సురేందర్ రెడ్డి, రవితేజతో చేసిన 'కిక్' సినిమా ద్వారా తన కెరీర్లో పెద్ద టర్నింగ్ పాయింట్ను సాధించాడు. ఆ సినిమాకి వచ్చిన అద్భుతమైన రెస్పాన్స్ కారణంగా 2015లో 'కిక్ 2' తెరకెక్కినప్పటికీ, అది బాక్సాఫీస్ వద్ద తీవ్ర నిరాశపరిచింది. టైటిల్ తప్పుగా పెట్టడం వల్లే 'కిక్ 2' ఫ్లాప్ అయ్యిందని అప్పట్లో అనేక మంది అభిప్రాయపడ్డారు. తరువాత,అఖిల్ అక్కినేనితో చేసిన 'ఏజెంట్' ఘోర పరాజయం కారణంగా సురేంద్ర రెడ్డి కొంతకాలం సైలెంట్ అయ్యాడు.
వివరాలు
రవితేజ హీరోగా సురేందర్ రెడ్డి దర్శకత్వంలో మూడో సినిమా
పవన్ కళ్యాణ్తో ఒక మూవీ, చిరంజీవితో మరో సినిమా అనే ప్రచారం జోరుగా నడిచినా, ఏ ప్రాజెక్ట్ కూడా పట్టాలెక్కలేదు. ఇటువంటి పరిస్థితుల్లో, దర్శకుడు కొంత గ్యాప్ తీసుకుని తన తదుపరి సినిమా కోసం కొత్త ప్రణాళికలు సిద్ధం చేస్తున్నట్లు తెలుస్తోంది. తాజాగా రవితేజ హీరోగా సురేందర్ రెడ్డి దర్శకత్వంలో మూడో సినిమా రాబోతుందనే సమాచారం హల్చల్ చేస్తోంది. దీనిని 'కిక్' ఫ్రాంఛైజీ కొనసాగింపుగా తీసుకునే అవకాశముందని టాక్ ఉంది. సురేందర్ రెడ్డి ఇటీవల రవితేజను కలుసుకుని కథను చెప్పగా, వరుస ఫ్లాపుల మధ్యన కూడా కొత్త దర్శకులకు అవకాశం ఇస్తూ ముందుకు సాగుతున్న రవితేజ వెంటనే ఈ కథకు ఓకే చెప్పినట్లుగా టాలీవుడ్ సర్కిల్స్లో వినిపిస్తోంది.
వివరాలు
కిషోర్ తిరుమల దర్శకత్వంలో 'భర్త మహాశయులకు విజ్ఞప్తి'
అందువల్ల, త్వరలోనే ఈ కాంబినేషన్లో 'కిక్ 3' సెట్స్ మీదకు వెళ్లే అవకాశం ఉందని అంటున్నారు. అయితే, 'కిక్ 2'ను నిర్మించిన నందమూరి కళ్యాణ్ రామ్ ఇప్పుడు భారీ బడ్జెట్ పెట్టే పరిస్థితి లేదు. రవితేజ మార్కెట్, అలాగే 'ఏజెంట్' తర్వాత సురేంద్ర రెడ్డి మార్కెట్ పడిపోయిన పరిస్థితుల్లో ఈ కాంబోకు ఉన్న క్రేజ్ ఫ్రాంచైజీకి ఎంతవరకు సాయం చేస్తుందో చూడాలి. ప్రస్తుతం రవితేజ కిషోర్ తిరుమల దర్శకత్వంలో 'భర్త మహాశయులకు విజ్ఞప్తి' చిత్రంలో నటిస్తున్నాడు.
వివరాలు
రవితేజ శివ నిర్వాణ దర్శకత్వంలో మరో ప్రాజెక్ట్
ఆ తరువాత శివ నిర్వాణ దర్శకత్వంలో మరో ప్రాజెక్ట్ను ప్రారంభించనున్నాడు. ఈ రెండు సినిమాలు 2026లో రిలీజ్ కానుండటంతో, ఆ తరువాతే రవితేజ-సురేందర్ రెడ్డి కాంబినేషన్లో 'కిక్ 3' సెట్స్ మీదకు వెళ్లే అవకాశం ఉంది. 'ఏజెంట్' పరాజయం ఎదుర్కొన్న సురేందర్ రెడ్డి ఈసారి స్క్రిప్ట్ విషయంలో చాలా జాగ్రత్తగా వ్యవహరిస్తున్నాడని తెలుస్తుంది. అభిమానులు మాత్రం 'కిక్' స్థాయి ఎనర్జీని తిరిగి చూడబోతున్నామా అనే ఉత్సుకతతో ఉన్నారు.