kotha lokah OTT: ఇట్స్ అఫిషియల్ ఓటీటీలోకి 'కొత్తలోక'.. స్ట్రీమింగ్ ఎక్కడంటే..!
ఈ వార్తాకథనం ఏంటి
చిన్న చిత్రంగా విడుదలైనప్పటికీ భారీ వసూళ్లను సాధించిన చిత్రం 'కొత్తలోక: చాప్టర్‌ 1'. కేవలం ప్రేక్షకుల మౌత్‌ టాక్‌తోనే ఈ సినిమా బాక్సాఫీస్‌ వద్ద వందల కోట్లు వసూలు చేసింది. ఈ మూవీ ఓటీటీ ప్లాట్‌ఫామ్‌లో ఎప్పుడెప్పుడు వస్తుందా? అని అభిమానులు ఎదురుచూశారు. తాజాగా వారి ఎదురుచూపులకు ఫుల్‌స్టాప్‌ పెడుతూ.. జియోహాట్‌స్టార్‌ తాజాగా అధికారిక ప్రకటన విడుదల చేసి, అక్టోబర్‌ 31 నుంచి స్ట్రీమింగ్ ప్రారంభమవుతుందని తెలిపారు. ఈ చిత్రాన్ని తెలుగు, మలయాళం, తమిళ, హిందీ, బెంగాళీ, మరాఠీ భాషల్లో కూడా వీక్షించవచ్చని ఓ పోస్టర్‌లో వెల్లడించారు.
వివరాలు
ఇంతకీ కథేంటంటే..
చంద్ర, అలియాస్ నీలి (కల్యాణి ప్రియదర్శన్) అతీంద్రియ శక్తులతో కలిగిన యువతి. ఒక మిషన్‌లో ఆమెను శత్రువుల నుంచి తప్పించుకుంటుంది. ఈ సంఘటన తర్వాత, చంద్ర స్వీడన్‌ నుంచి బెంగళూరుకు మారి, తన గురించి ఎవరికీ తెలియకుండా ఒక కేఫ్‌లో పనిచేస్తూ ఉంటుంది. ఆ కేఫ్‌ పక్కింట్లో ఉండే సన్నీ (నస్లేన్) ఆమెతో స్నేహాన్ని పెంచుకుంటాడు. ఇక మరోవైపు ఇన్‌స్పెక్టర్ నాచియప్ప గౌడ (శాండి మాస్టర్) అతని బాస్‌ మానవ అవయవాల అక్రమ రవాణా చేస్తుంటారు. చంద్రను అనుకోకుండా చూసిన నాచియప్పకు ఆమెపై సందేహాలు రావడం ప్రారంభమవుతుంది. ఈ నేపథ్యంలో, చంద్ర నిజంగా ఎవరు, ఆమెను చూసి సన్నీ ఎందుకు అంతగా భయపడ్డాడు? అనేది చిత్ర కథ.
వివరాలు
కలెక్షన్ల వర్షం..
ప్రపంచవ్యాప్తంగా ఈ సినిమా రూ. 300 కోట్లకు పైగా వసూలు చేసింది. కేవలం భారీ వసూళ్లను సాధించడమే కాదు, ఇది అత్యధిక వసూళ్లను రాబట్టిన తొలి మలయాళీ చిత్రంగా కూడా రికార్డు సృష్టించింది. మోహన్‌లాల్ కథానాయకుడిగా పృథ్వీరాజ్‌ సుకుమారన్‌ దర్శకత్వంలో ఈ ఏడాది వచ్చిన 'ఎల్2: ఎంపురాన్' ఇప్పటివరకూ మలయాళంలో అత్యధిక వసూళ్లు (రూ.265.5 కోట్లు) రాబట్టిన చిత్రంగా ఉండేది. ఆ రికార్డును ఈ చిత్రం బద్దలు కొట్టింది. డొమినిక్‌ అరుణ్‌ దర్శకత్వంలో ఈ మూవీ కేవలం రూ.30 కోట్ల బడ్జెట్తో తెరకెక్కింది. విడుదలైన 40 రోజుల్లో రూ. 300 కోట్ల గ్రాస్‌ కలెక్షన్ సాధించిందని ట్రేడ్ వర్గాలు అంచనా వేస్తున్నాయి.
ట్విట్టర్ పోస్ట్ చేయండి
జియోహాట్‌స్టార్‌ చేసిన ట్వీట్
The world of Lokah unfolds exclusively on JioHotstar, streaming from October 31st.@DQsWayfarerFilm @dulQuer @kalyanipriyan @naslen__ @NimishRavi @SanthyBee#LokahOnJioHotstar #LokahUniverse #YakshiReturns #LokahChapter1 #Wayfarerfilms #DulquerSalmaan #DominicArun… pic.twitter.com/Va3c6PGttC
— JioHotstar Malayalam (@JioHotstarMal) October 24, 2025