Lara Dutta Ramayana: రణ్‌బీర్‌తో ఆ సీన్‌ చాలా కష్టం.. రామాయణంపై లారా దత్తా షాకింగ్ కామెంట్స్
ఈ వార్తాకథనం ఏంటి
నితీష్ తివారీ తెరకెక్కించిన 'రామాయణ'లో కైకేయిగా లారా దత్తా కనిపించబోతున్న విషయం తెలిసిందే. తాజాగా ఈ సినిమా షూటింగ్‌ అనుభవాలను ఆమె పంచుకున్నారు. ముఖ్యంగా రాముడు అరణ్యవాసానికి వెళ్లే ముందు కైకేయి, రాముడి మధ్య జరిగే కీలక సన్నివేశం చిత్రీకరణ సమయంలో సెట్‌లో ఒకరకమైన విషాద వాతావరణం కనిపించిందని తెలిపారు. ఈ సీన్‌ రామాయణ కథను మలుపు తిప్పే కీలక ఘట్టం కావడంతో రణ్‌ బీర్ కపూర్, అరుణ్ గోవిల్, తాను చాలా జాగ్రత్తగా నటించామని చెప్పారు.
Details
రణ్‌బీర్ నటన చూసి ఆశ్చర్యపోయా
రాజ్యసభలో రాముడిగా రణ్‌బీర్ కనిపించే సన్నివేశం తనకు ప్రత్యేకమైన అనుభూతిని ఇచ్చిందని లారా తెలిపారు.
సాధారణంగా నటుడి ముఖంలో కనిపించే కోపం, బాధ, ఆనందం, భావోద్వేగాలను ఉపయోగించకుండా కేవలం కళ్లతోనే భావాలను పలికించడం చాలా కష్టమని ఆమె చెప్పారు.
దైవత్వాన్ని చూపించాల్సిన రాముడి పాత్రలో రణ్‌బీర్ ఆ భావాన్ని అద్భుతంగా తీసుకొచ్చాడని ప్రశంసించారు.
రావణుడిగా యష్‌కు అన్ని భావోద్వేగాలను చూపించే అవకాశం ఉంటే.. రాముడిగా రణ్‌బీర్‌కు మాత్రం అలాంటి అవకాశం తక్కువగా ఉంటుందని ఆమె అభిప్రాయపడ్డారు.
Details
కైకేయి అంత సింపుల్ పాత్ర కాదు
కైకేయిని కేవలం రాముడిని అడవులకు పంపించిన వ్యక్తిగా చూడలేమని లారా చెప్పారు. యుద్ధంలో దశరథుడి ప్రాణాలను కాపాడిన ఆమెకు రాజు రెండు వరాలు ఇచ్చాడు.
రాముడిని ఆమె నిజంగానే ఎంతో ప్రేమించిందని, కొన్నిసార్లు తన సొంత కుమారుడి కంటే కూడా ఎక్కువగా ప్రేమించి ఉండొచ్చని చెప్పారు.
కానీ తన కుమారుడికి దక్కాల్సిన రాజ్యాన్ని మరొకరికి వెళ్లిపోనివ్వాలా అనే ప్రశ్న ఆమెను లోపల నుంచి కుదిపేసిందని వివరించారు. మంథర మాటలు ఆ సందిగ్ధతను మరింత పెంచాయని చెప్పారు.
Details
ప్రేక్షకులు తనను ద్వేషిస్తే అదే విజయం
కైకేయి పాత్రలో మార్పును చూపించడం తనకు చాలా సవాల్‌గా అనిపించిందని లారా తెలిపారు.
పరిమిత సన్నివేశాల్లోనే ప్రేమగా ఉండే తల్లి నుంచి రాజును ప్రభావితం చేసే స్థాయికి కైకేయి ఎలా మారిందో ప్రేక్షకులకు నమ్మించేలా నటించాల్సి వచ్చిందన్నారు.
థియేటర్లలో తన పాత్ర చూసి ప్రేక్షకులు ఏడ్చామని, తనను ద్వేషించామని చెప్పడం నటిగా తనకు దక్కిన గొప్ప ప్రశంస అని లారా పేర్కొన్నారు.
భారీ సెట్స్‌, అత్యాధునిక టెక్నాలజీతో 'రామాయణ' షూటింగ్‌ తన కెరీర్‌లోనే ప్రత్యేక అనుభవమని ఆమె వెల్లడించారు.