ఓజీ సినిమా షూటింగ్ పై లేటెస్ట్ అప్డేట్: ఈ సంవత్సరంలోనే రిలీజ్ అయ్యేలా ప్లాన్?
పవర్ స్టార్ పవన్ కళ్యాణ్, సాహో దర్శకుడు సుజిత్ కాంబినేషన్లో వస్తున్న ఓజీ చిత్రంపై అభిమానుల్లో అంచనాలు ఆకాశాన్ని అంటుతున్నాయి. తాజాగా ఈ సినిమా నుండి ఖతర్నాక్ అప్డేట్ వచ్చింది. ఇటీవల హైదరాబాద్ లో మూడవ షెడ్యూల్ మొదలయిందని ఓజీ టీమ్ ప్రకటించింది. ప్రస్తుతం మూడవ షెడ్యూల్ పూర్తయినట్లు తన సోషల్ అకౌంట్ ద్వారా తెలియజేసింది. అంతేకాదు, ఈ మూడవ షెడ్యూల్ తో ఓజీ సినిమా సగభాగం చిత్రీకరణ పూర్తయిందని చెప్పుకొచ్చింది. దాంతో అభిమానులు ఎక్సైట్ అవుతున్నారు. అదే టైంలో ఆశ్చర్యపోతున్నారు. మొన్ననే మొదలై అప్పుడే సగం అయిపోయిందా అని అవాక్కవుతున్నారు. ఓజీ స్పీడ్ చూస్తుంటే ఈ సంవత్సరంలోనే సినిమా రిలీజ్ అయ్యే అవకాశం కనిపిస్తోంది.