Hema: సినీ నటి హేమకు బిగ్ రీలీఫ్.. సస్పెన్షన్ ఎత్తివేసిన 'మా'
ఈ వార్తాకథనం ఏంటి
సినీ నటి హేమకు బిగ్ రీలీఫ్ లభించింది. ఆమెపై విధించిన సస్పెన్షన్ ఎత్తివేసినట్లు మూవీ ఆర్టిస్ట్స్ అసోసియేషన్ (మా) ప్రకటించింది.
'మా' అధ్యక్షుడు మంచు విష్ణు ఆదేశాలతో హేమపై సస్పెన్షన్ ఎత్తివేస్తూ తీసుకున్న నిర్ణయానికి ఎగ్జిక్యూటివ్ కమిటీ ఆమోదం తెలిపింది.
బెంగళూరు రేవ్ పార్టీ కేసులో హేమ్ అరెస్టు కాగా, ఇటీవలే బెయిల్ పై విడుదలైంది.
ఈ వివాదంలో చిక్కుకున్న హేమపై 'మా' అసోసియేషన్ చర్యలు తీసుకుంది. అప్పట్లో అమె ప్రాథమిక సభ్యత్వాన్ని రద్దు చేసింది.
Details
సెన్సిటివ్ విషయాల గురించి మాట్లాడొద్దు
అయితే తాను ఎలాంటి డ్రగ్స్ తీసుకోలేదని, దేశంలోనే అత్యున్నత ప్రమాణాలు కలిగిన ల్యాబ్‌లో పరీక్షలు చేయించుకున్నట్లు నివేదికలు సమర్పించింది.
ఈ విషయంపై 'మా' అధ్యక్షుడు మంచు విష్ణుకు లేఖతో పాటు, మెడికల్ సర్టిఫికెట్‌లను కూడా పంపింది.
హేమ ఆధారాలను పరిశీలించిన ఎగ్జిక్యూటివ్ కమిటీ ఆమె సస్పెన్షన్‌ను ఎత్తివేస్తున్నట్లు ప్రకటించింది.
అయితే మీడియాలో సెన్సిటివ్ విషయాల గురించి మాట్లాడొద్దని హేమకు మూవీ ఆర్టిస్ట్ అసోసియేషన్ సూచించింది.