కండలు పెరిగేలా మహేష్ బాబు జిమ్ వర్కౌట్లు.. రాజమౌళి సినిమా కోసమేనా అంటూ నెటిజన్ల ప్రశ్నలు
సూపర్ స్టార్ మహేష్ బాబు వయసు పెరుగుతున్నా కూడా ఇంకా యంగ్ గా మారిపోతున్నారు. రోజురోజుకు మహేష్ బాబు లుక్ మరింత హ్యాండ్సమ్ గా మారుతూ వస్తోంది. తాజాగా ఇంటర్నెట్లో దర్శనమిస్తున్న మహేష్ బాబు జిమ్ వర్కౌట్ ఫోటోలు చూస్తుంటే ఎవ్వరికైనా అలాగే అనిపిస్తుంది. గత కొన్ని రోజులుగా జిమ్ లో వర్కౌట్లు చేస్తున్న ఫోటోలను మహేష్ బాబు సోషల్ మీడియాలో పంచుకుంటున్నారు. తాజాగా మరోసారి జిమ్ వర్కౌట్ ఫోటోని తన ఫాలోవర్లతో సోషల్ మీడియాలో మహేష్ బాబు పంచుకున్నారు. ఈ ఫోటో చూసిన ప్రతి ఒక్కరూ, కండలు తిరిగిన దేహంతో మహేష్ బాబు కనిపిస్తున్నారని, ఈ కష్టమంతా రాజమౌళి సినిమా కోసమేనా అంటూ ప్రశ్నలు వేస్తున్నారు.
నవంబర్ లో రాజమౌళి, మహేష్ బాబు సినిమా పనులు మొదలు
ఫిట్నెస్ విషయంలో ఎంతో శ్రద్ధగా ఉండే మహేష్ బాబు, హాలీవుడ్ కి చెందిన ఫిజియోథెరపిస్ట్ హీథ్ మాథ్యూస్ ని ఫిట్నెస్ ట్రైనర్ గా మహేష్ బాబు ఎంచుకున్నారు. ప్రస్తుతం అతని సమక్షంలోనే జిమ్ వర్కౌట్లు చేస్తున్నారు. మహేష్ బాబు వర్కౌట్ ఫోటోలు చూస్తున్న వాళ్ళందరూ రాజమౌళి సినిమా కోసమే మహేష్ బాబు అంతలా కష్టపడుతున్నారని అంటున్నారు. అదలా ఉంచితే, రాజమౌళి-మహేష్ బాబు కాంబినేషన్లో రూపొందే సినిమా ప్రీ ప్రొడక్షన్ పనులు నవంబర్ నెలలో మొదలయ్యే అవకాశం ఉందని చెబుతున్నారు. ప్రస్తుతం త్రివిక్రమ్ దర్శకత్వంలో గుంటూరు కారం సినిమాలో మహేష్ బాబు నటిస్తున్నారు. శ్రీలీల, మీనాక్షి చౌదరి హీరోయిన్లుగా నటిస్తున్న ఈ సినిమాకు సంగీతాన్ని తమన్ అందిస్తున్నారు.
