పెంపుడు కుక్క చనిపోవడంతో మహేష్ బాబు ఎమోషనల్: ఇన్స్ టాలో పోస్ట్
ఈ వార్తాకథనం ఏంటి
సూపర్ స్టార్ మహేష్ బాబు సోషల్ మీడియాలో పంచుకున్న ఎమోషనల్ పోస్ట్ అందర్నీ ఆకర్షిస్తుంది. తన పెంపుడు కుక్క మరణించడంతో ఎమోషనల్ అయిన మహేష్ బాబు ఒక ఫోటోను పెట్టారు.
తమ పెంపుడు కుక్క ఫ్లూటో మరణించిందని మహేష్ బాబు సతీమణి నమ్రత శిరోద్కర్ తన సోషల్ మీడియా అకౌంట్లో షేర్ చేసింది.
మహేష్ బాబు కూతురు సితార కూడా ఈ విషయాన్ని తన అకౌంట్లో పంచుకుంది. అంతేకాదు ఫ్లూటోతో తనకు ఏడేళ్ల అనుభవం అనుబంధముందని ఆమె గుర్తు చేసింది.
మహేష్ బాబు కూడా ఫ్లూటోతో దిగిన ఫోటోను ఇన్స్టాలో షేర్ చేసి లవ్ సింబల్స్ క్యాప్షన్ గా పెట్టారు.
Details
స్ట్రాంగ్ గా ఉండాలని ఫాలోవర్ల కామెంట్లు
మహేష్ బాబు, నమ్రత, సితార పెట్టిన పోస్టులకు అభిమానుల నుండి కామెంట్లు వెల్లువెత్తుతున్నాయి. ఇన్ని రోజులు ఇంట్లో తిరిగిన ఫ్లూటో ఇప్పుడు లేకపోవడం బాధగా ఉంటుందని కానీ స్ట్రాంగ్ గా ఉండాలని ఫాలోవర్స్ కామెంట్స్ చేస్తున్నారు.
అదలా ఉంచితే, మహేష్ బాబు ప్రస్తుతం త్రివిక్రమ్ దర్శకత్వంలో రూపొందుతున్న గుంటూరు కారం సినిమాలో నటిస్తున్నారు.
ఇటీవల తన పుట్టినరోజు సందర్భంగా విదేశాలకు వెళ్లిన మహేష్ బాబు, ఇండియాకు తిరిగి వచ్చేసి గుంటూరు కారం షూటింగ్ లో జాయిన్ అయ్యారు.
ఈ సినిమాలో శ్రీలీల, మీనాక్షి చౌదరి హీరోయిన్లుగా కనిపిస్తున్నారు. థమన్ సంగీతం అందిస్తున్న ఈ సినిమా 2024 జనవరి 13వ తేదీన విడుదలవుతుంది.