Mahesh Babu: మహేష్‌బాబు వారణాసి షాకింగ్‌ ఓటీటీ డీల్‌...బాబోయ్‌ 500 కోట్లా?
ఈ వార్తాకథనం ఏంటి
మహేష్‌ బాబు, ఎస్‌ఎస్‌ రాజమౌళి కాంబినేషన్‌లో తెరకెక్కుతున్న 'వారణాసి'పై ఇప్పుడు సినిమా కంటే దాని బిజినెస్‌ లెక్కలే ఎక్కువగా ఆసక్తిని రేపుతున్నాయి. ఇప్పటికే షూటింగ్‌ దాదాపు పూర్తయిందనే వార్తలతో అభిమానుల్లో అంచనాలు మరింత పెరిగాయి. ఈ క్రమంలో సినిమా ఓటీటీ హక్కులకు సంబంధించిన ఓ భారీ ఫిగర్‌ సోషల్‌ మీడియాలో చక్కర్లు కొడుతోంది. నెట్‌ఫ్లిక్స్‌ 'వారణాసి' డిజిటల్‌ హక్కులను ఏకంగా రూ.400 కోట్ల నుంచి రూ.500 కోట్ల మధ్య మొత్తానికి దక్కించుకున్నట్లు ప్రచారం జరుగుతోంది. అయితే ఈ మొత్తం అధికారికంగా ఖరారైనట్లు చిత్రబృందం నుంచి ఎలాంటి ప్రకటన రాలేదు.
Details
రాజమౌళి సినిమాపై నెట్‌ఫ్లిక్స్‌ ఆసక్తి
రాజమౌళి సినిమాలకు ప్రపంచవ్యాప్తంగా ఉన్న క్రేజ్‌ గురించి ప్రత్యేకంగా చెప్పాల్సిన అవసరం లేదు.
'ఆర్‌ఆర్‌ఆర్‌' తర్వాత ఆయన తదుపరి ప్రాజెక్టులపై అంతర్జాతీయ స్థాయిలోనూ ఆసక్తి పెరిగింది.
అదే కారణంగా 'వారణాసి' కంటెంట్‌ను ముందుగానే సొంతం చేసుకునేందుకు ప్రముఖ ఓటీటీ సంస్థలు పోటీ పడుతున్నాయనే ప్రచారం మొదలైంది.
ఈ నేపథ్యంలో నెట్‌ఫ్లిక్స్‌ భారీ మొత్తాన్ని ఆఫర్‌ చేసిందనే టాక్‌ ఇప్పుడు హాట్‌ టాపిక్‌గా మారింది.
Details
సినిమాతో పాటు అదనపు కంటెంట్‌ కూడా?
ఇక్కడే అసలు ఆసక్తికరమైన విషయం తెరపైకి వస్తోంది. కేవలం సినిమా స్ట్రీమింగ్‌ హక్కులకే కాకుండా.. మేకింగ్‌ వీడియోలు, ప్రత్యేక కంటెంట్‌ వంటి ఇతర డిజిటల్‌ మెటీరియల్‌ను కూడా డీల్‌లో భాగంగా తీసుకున్నారనే ప్రచారం వినిపిస్తోంది.
అందుకే మొత్తం విలువ రూ.400-500 కోట్ల వరకు వెళ్లిందనే లెక్కలు సోషల్‌ మీడియాలో కనిపిస్తున్నాయి.
అయితే ఇందులో ఏది సినిమా హక్కుల విలువ, ఏది అదనపు కంటెంట్‌కు సంబంధించిన మొత్తం అనే విషయంలో స్పష్టత లేదు.
Details
నిజంగా రూ.500 కోట్లు వచ్చాయా?
'వారణాసి'కి ఇంత భారీ ఓటీటీ డీల్‌ జరిగిందన్న వార్త నిజమైతే.. భారతీయ సినిమా డిజిటల్‌ మార్కెట్‌లో ఇదొక సంచలనమైన లెక్కగానే నిలిచే అవకాశం ఉంది.
కానీ ప్రస్తుతం బయటకు వచ్చినది కేవలం రూమర్‌ మాత్రమే. అధికారికంగా నిర్మాతలు లేదా నెట్‌ఫ్లిక్స్‌ స్పందించే వరకు రూ.400 కోట్లు, రూ.500 కోట్లు అనే ఫిగర్లను ఖచ్చితమైన మొత్తంగా చూడటం కష్టం.
అసలు డీల్‌ ఎంతకు కుదిరిందో తెలియాలంటే అధికారిక ప్రకటన వచ్చే వరకు వేచి చూడాల్సిందే. అప్పటివరకు 'వారణాసి' ఓటీటీ డీల్‌ టాక్‌ మాత్రం అభిమానుల్లో హాట్‌ టాపిక్‌గానే ఉండనుంది.