మంచు వారి 'భక్త కన్నప్ప'లో మాలీవుడ్ అగ్రహీరో మోహన్ లాల్
'కన్నప్ప' హీరో మంచు విష్ణు సినిమాలో మరో స్టార్ హీరో నటించనున్నారు. మాలీవుడ్ అగ్రహీరో మోహన్ లాల్ మంచు కథానాయకుడితో కలిసి తెరను పంచుకోనున్నారు. ఇప్పటికే ఈ చిత్రంలో రెబల్ స్టార్ ప్రభాస్ నటించనున్న విషయం తెలిసిందే. శివుడి పాత్రలో ప్రభాస్ ఒదిగిపోనున్నట్లు తెలుస్తోంది. దీంతో కన్నప్ప మీద అంచనాలు మించిపోతున్నాయి. ప్రభాస్కి జోడిగా, పార్వతిగా నయనతార అభినయం చేయనున్నట్లు ప్రచారం జరుగుతోంది. ఈ క్రమంలోనే ఈ సినిమాలోకి మరో సూపర్ స్టార్ వచ్చి చేరుతున్నారు. కన్నప్పలో ముఖ్యమైన పాత్రను మోహన్ లాల్ పోషించనున్నారు. ఈ నేపథ్యంలోనే ఆయనతో కలిసి దిగిన ఫోటోలు ఆకర్షిస్తున్నాయి. రూ. 150 కోట్ల నిర్మాణ వ్యయంతో రానున్న ఈ మూవీకి మణిశర్మ, స్టీఫెన్ దేవాసి బాణీలను అందిస్తున్నారు.