Kannappa : 'కన్నప్ప' నుంచి లీకైన ప్రభాస్ ఫోటో.. స్పందించిన మంచు విష్ణు
మంచు విష్ణు హీరోగా నటిస్తున్న పాన్ ఇండియా చిత్రం 'కన్నప్ప' నుండి రెబల్ స్టార్ ప్రభాస్ ఫస్ట్ లుక్ లీక్ కావడం పట్ల చిత్ర బృందం స్పందించింది. ఈ నేపథ్యంలో నిర్మాత, హీరో మంచు విష్ణు ఒక అధికారిక లేఖను విడుదల చేశారు. కన్నప్ప కోసం గడచిన ఎనిమిదేళ్లుగా కృషి చేస్తున్నామని, రెండు సంవత్సరాల నిబద్ధతతో ఈ ప్రాజెక్ట్‌పై తమ బృందం ఎంతో కష్టపడుతోందన్నారు. కానీ అనధికారికంగా ఫోటో లీక్ కావడం బాధాకరమన్నారు.ఈ ప్రాజెక్ట్ప నిరంతరం కృషి చేస్తున్న 2,000 మందికి పైగా VFX కళాకారుల జీవితాలను కూడా ప్రభావితం చేస్తోందన్నారు.
కేసు నమోదు చేస్తాం
ఈ ఘటనపై పోలీస్ కేసు నమోదు చేస్తామన్నారు. ఇక లీక్ ఫుటేజ్‌ను షేర్ చేయకుండా ఉండాలని విజ్ఞప్తి చేశారు. ఈ లీక్ ఫుటేజ్‌ను ఎవరైనా షేర్ చేస్తే, చట్టపరమైన చర్యలు తీసుకుంటామన్నారు. లీక్ చేసిన వారిని గుర్తించిన వారికి రూ. 5 లక్షలు ఇస్తామని ప్రకటించారు. ఎవరికైనా సమాచారం అందిస్తే తమ 24 ఫ్రేమ్స్ ఫ్యాక్టరీ ట్విట్టర్ అకౌంట్‌కు డైరెక్ట్ మెసేజ్ పంపాలని కోరారు.
