Payal Rajput: 'మంగళవారం' సినిమా రిలీజ్.. పాయల్ రాజ్‌పుత్ ఎమోషనల్ (వీడియో)
హీరోయిన్ పాయల్ రాజ్ పుత్ నటించిన 'మంగళవారం' మూవీ ఇవాళ విడుదలైంది. నిన్న రాత్రే కొన్ని చోట్ల ఈ మూవీ ప్రీమియర్స్ రన్ అయ్యారు. ఈ ప్రీమియర్స్ కి పాజిటివ్ టాక్ రావడంతో మార్నింగ్ షోకి ఆడియన్స్ క్యూ కట్టారు. ప్రస్తుతం ఈ మూవీకి సూపర్ రివ్యూస్ వస్తున్నాయి. ముఖ్యంగా ఈ సినిమాలో పాయల్ అద్భుత నటనతో ఆకట్టుకుంది. ఈ సందర్భంగా పాయల్ రాజ్ పుత్ ఓ వీడియోను విడుదల చేసింది. ఇందులో ఆమె ఎమోషనల్ అవుతూ కనిపించారు. ఇలాంటి వీడియోలు తాను ఎప్పుడూ పోస్ట్ చేయలేదని, ఈ వీడియోను కూడా డిలీట్ చేస్తానని ఆమె పేర్కొన్నారు.
ఆదరించినందుకు ధన్యవాదాలు తెలిపిన పాయల్
ఈ సినిమాలో పాయల్ సెక్సువల్ డిజాడర్‌తో బాధపడే పాత్రలో నటించింది. అయితే పాత్ర కోసం తాను చేసిన యాక్టింగ్ తన కెరీర్ లోనే బెస్ట్ పర్ఫార్మెన్స్ అని అమె తెలిపింది. ఈ సినిమా ఆదరించినందుకు ధన్యవాదాలని, ఈ సినిమా తనకెంతో స్పెషల్ అని, ఇందులో ఎంతో కష్టపడి పనిచేశానని పాయల్ రాజ్ పుత్ పేర్కొంది. ఇప్పటికే కొన్ని చోట్ల ఈ మూవీ అద్భుతమైన రెస్పాన్స్ వస్తోందని, సపోర్టుగా నిలిచిన వారందరికి థ్యాంక్స్ అంటూ పాయల్ భావోద్వేగానికి లోనయ్యారు.
