Vishwak Sen: విశ్వక్ సేన్ అభిమానులకు గుడ్‌న్యూస్.. దీపావళి కానుకగా 'మెకానిక్ రాకీ' రిలీజ్
హీరో విశ్వక్ సేన్ వరుస సినిమాలతో బిజీగా ఉన్నాడు. రవితేజ ముళ్లపూడి దర్శకత్వంలో విశ్వక్ సేన్ 'మెకానిక్ రాకీ' చిత్రంలో నటిస్తున్నాడు. రామ్ తుళ్లురి నిర్మిస్తున్న ఈ చిత్రంలో మీనాక్షి చౌదరి, శ్రద్ధా శ్రీనాథ్ హీరోయిన్స్ గా నటిస్తున్నారు. ప్రస్తుతం చిత్రీకరణ చివరి దశలో ఉన్న ఈ సినిమా దీపావళి కానుకగా అక్టోబర్ 31న విడుదల కానుంది. ఇటీవల రిలీజ్ చేసిన మెకానిక్ రాకీ ట్రైలర్‌కు ప్రేక్షకుల నుంచి అదిరిపోయే స్పందన లభించింది. ఈ చిత్రం రొమాంటిక్ యాక్షన్ థ్రిల్లర్ నేపథ్యంలో తెరకెక్కుతోంది.
డబ్బింగ్ పనులు ప్రారంభం
తాజాగా ఈ మూవీ డబ్బింగ్ పనులను ప్రారంభించారు. ఇక విశ్వక్ సేన్ డబ్బింగ్ చెబుతున్న ఫోటోను మేకర్స్ రిలీజ్ చేశారు. ఈ చిత్రం యొక్క ఇండియా థియేట్రికల్ రైట్స్ ను ఏషియన్ సురేష్ సంస్థ కొనుగోలు చేసింది. ఇందులో నరేష్, వైవా హర్ష, ఇతర నటీనటులు నటిస్తున్నారు. జేక్స్ బిబోయ్ సంగీతాన్ని సమకూరుస్తున్నాడు.
