హాలీడే ట్రిప్ కి వెళ్తూ తన నెక్స్ట్ సినిమాపై అప్డేట్ ఇచ్చిన మెగాస్టార్
మెగాస్టార్ చిరంజీవి ప్రస్తుతం భోళాశంకర్ సినిమా పనులన్నింటినీ పూర్తి చేసారు. డబ్బింగ్ సహా అన్ని పనులను పూర్తి చేసి అమెరికా పయనమయ్యారు. సతీమణి సురేఖతో కలిసి అమెరికా వెళ్తున్నట్లు ట్విట్టర్ ద్వారా తెలియజేసారు చిరంజీవి. చిన్న ట్రిప్ పూర్తవగానే భోళాశంకర్ ప్రమోషన్ పనుల్లో పాల్గొనడంతో పాటు కొత్త సినిమా షూటింగ్ మొదలెట్టనున్నారట. తన నెక్స్ట్ సినిమా గోల్డ్ బాక్స్ ఎంటర్ టైన్మెంట్ నిర్మాణంలో ఉంటుందనీ, ఫ్యామిలీ ఎంటర్ టైనర్ ని ప్రేక్షకుల ముందుకు తీసుకువస్తానని చిరంజీవి అన్నారు. గోల్డ్ బాక్స్ ఎంటర్ టైన్మెంట్స్ అనేది చిరంజీవి పెద్ద కూతురు సుష్మిత సొంత నిర్మాణ సంస్థ అన్న సంగతి తెలిసిందే.