మిస్ శెట్టి మిస్టర్ పొలిశెట్టి వచ్చేస్తున్నారహో.. ముహుర్తం ఖరారు చేస్తూ పోస్టర్ విడుదల
ఈ వార్తాకథనం ఏంటి
పంచులతో ఓ ముగ్గురు యువకులు చేసిన పిచ్చకామెడి సినిమా జాతి రత్నాలు వచ్చి రెండేళ్లు దాటిపోయింది. ఆ తర్వాత నవీన్ పొలిశెట్టి పట్టాలు ఎక్కించాలనుకున్న పలు సినిమాలు పలు కారణాల రీత్యా ఆగిపోయాయి. ప్రస్తుతం ఈ జాతిరత్నం రెండు సినిమాలు చేస్తున్నాడు. రెండింట్లో ఒకటైన మిస్ శెట్టి, మిస్టర్ పొలిశెట్టి సినిమా రిలీజ్ కు ముహుర్తం ఖరారైంది. ఈ మేరకు సినిమా విడుదల తేదీని ఆగస్ట్ 4న నిర్ణయించిన చిత్ర నిర్మాణ బృందం పోస్టర్ ను విడుదల చేసింది. దక్షిణాదిలోని అన్ని భాషల్లో ఈ చిత్రం విడుదల కానుంది. ఒక చెఫ్‌కు, స్టాండప్‌ కమెడియన్‌కు మధ్య సాగే లవ్ స్టోరీ నేపథ్యంలో ఈ సినిమాను తెరకెక్కించారు.
DETAILS
మిస్ శెట్టి మిస్టర్ పొలిశెట్టిలో హీరోయిన్‌గా అనుష్క
ఈ సినిమాకు మహేష్‌బాబు.పి దర్శకత్వం వహిస్తున్నారు. ఇప్పటికే రిలీజైన మిస్ శెట్టి అండ్ మిస్టర్ పొలిశెట్టి పబ్లిసిటీ పోస్టర్లు, టీజర్లు సినిమాపై అంచనాలను భారీగా పెంచేస్తున్నాయి. మరో సినిమా అనగనగా ఓ రాజులో నవీన్ పొలిశెట్టి నటిస్తున్నాడు. గతేడాది ఈ సినిమా గ్లింప్స్‌ను సైతం రిలీజ్ చేశారు. కానీ ఇప్పటివరకు దీనిపై ఎలాంటి పురోగతి లేదు. ఎంత పెద్ద హిట్టు వచ్చినా సరే, స్టార్ డమ్ ఉన్నప్పటికీ అడపాదడపా సినిమాలతో ప్రేక్షకుల ముందుకు వస్తుంటేనే ఏ హీరోకైనా మనుగడ, ఆడియన్స్ గుర్తింపు ఉంటాయి. మిస్ శెట్టి మిస్టర్ పొలిశెట్టిలో అనుష్క హీరోయిన్‌గా నటిస్తోంది. ప్రస్తుతం ఈ సినిమా షూట్ పూర్తి చేసుకుని పోస్ట్‌ ప్రొడక్షన్‌ పనులతో బిజీగా మారింది.