మిస్ శెట్టి మిస్టర్ పొలిశెట్టి ట్విట్టర్ రివ్యూ: సినిమా ఎలా ఉందంటే?
అనుష్క శెట్టి, నవీన్ పొలిశెట్టి జంటగా నటించిన మిస్ శెట్టి మిస్టర్ పొలిశెట్టి చిత్రం ఈరోజు ప్రేక్షకుల ముందుకు వచ్చింది. ఆల్రెడీ ప్రీమియర్లు పడిపోవడంతో టాక్ బయటకు వచ్చేసింది. ఇంతకీ, ఈ సినిమాపై నెటిజన్లు ఏమంటున్నారంటే? మిస్ శెట్టి మిస్టర్ పొలిశెట్టి సినిమా ఫస్టాఫ్ డీసెంట్ గా ఉందనీ, హాయిగా సాగిపోయిందని, అక్కడక్కడా కామెడీ సీన్లు, నవీన్ పొలిశెట్టి వన్ లైన్ పంచులు బాగున్నాయని అంటున్నారు. సెకండాఫ్ లో ఎమోషనల్ సీన్స్ కనిపిస్తాయని, ముఖ్యంగా చివరి ౩౦నిమిషాలు అద్భుతంగా ఉందని కామెంట్స్ చేస్తున్నారు.
నవీన్ పొలిశెట్టిపై ప్రశంసల జల్లు
సినిమా మొత్తాన్ని నవీన్ పొలిశెట్టి తన భుజాలపై వేసుకున్నాడని, నవీన్ పొలిశెట్టి వల్ల సినిమాలో మంచి వినోదం పుట్టిందని, అతని కామెడీ టైమింగ్ ప్రతీ ఒక్కరినీ నవ్విస్తుందని చెబుతున్నారు. ఇక చాలా రోజుల తర్వాత అనుష్క శెట్టిని వెండితెర మీద చూసామంటూ అభిమానులు ఉబ్బి తబ్బిబ్బవుతున్నారు. సినిమాలోని మైనస్ ల గురించి కొందరు నెటిజన్లు మాట్లాడారు. సెకండాఫ్ లో కొన్ని సీన్లు అనవసరంగా ఉన్నాయని, కొంత ట్రిమ్ చేసి ఉండాల్సిందని, సంగీతం మరింత బాగుంటే సినిమా వేరే లెవెల్లో ఉండేదని అభిప్రాయాలు వెల్లడి చేస్తున్నారు. యూవీ క్రియేషన్స్ బ్యానర్ లో రూపొందిన ఈ సినిమాను మహేష్ బాబు పి డైరెక్ట్ చేసారు. రాధన్ సంగీతం అందించారు.
