హాయ్ నాన్న సినిమాలో మృణాల్ ఠాకూర్ పాత్రపై పోస్టర్ తో క్లారిటీ
ఈ వార్తాకథనం ఏంటి
సీతారామం సినిమాతో తెలుగు ప్రేక్షకుల హృదయాల్లో నిలిచిపోయిన మృణాల్ ఠాకూర్, ప్రస్తుతం నాని హీరోగా నటిస్తున్న హాయ్ నాన్న సినిమాలో హీరోయిన్ గా కనిపిస్తోంది.
తండ్రి కూతుళ్ళ ఎమోషన్ కలిగిన కథతో హాయ్ నాన్న తెరకెక్కుతోందని గ్లింప్స్ వీడియోతో అర్థమైపోయింది. గ్లింప్స్ వీడియోలో మృణాల్ ఠాకూర్ పాత్రపై సరైన క్లారిటీ రాలేదు.
తాజాగా మృణాల్ ఠాకూర్ పుట్టినరోజు సందర్భంగా హాయ్ నాన్న సినిమా నుండి మృణాల్ పోస్టర్ ని విడుదల చేసారు. ఈ పోస్టర్ లో భుజాన గిటార్ వేసుకుని మృణాల్ ఠాకూర్ కనిపించింది.
అంటే, హాయ్ నాన్న సినిమాలో గిటార్ టీచర్ గా మృణాల్ కనిపిస్తోందని అర్థమవుతుంది.
Details
సీరియల్స్ నుండి సినిమాల్లోకి వచ్చిన మృణాల్
మృణాల్ ఠాకూర్ మొదట్లో హిందీ సీరియల్స్ లో కనిపించింది. ఆ తర్వాత విట్టి దండు అనే మరాఠీ సినిమాలో నటించింది. అదే ఆమె మొదటి సినిమా. ఆ తర్వాత బాలీవుడ్ లో ఆమెకు అవకాశాలు వచ్చాయి.
హృతిక్ రోషన్ హీరోగా తెరకెక్కిన సూపర్ 30 సినిమా, ఆమెకు మంచి గుర్తింపును తీసుకొచ్చింది. ఆ గుర్తింపుతోనే బాట్లా హౌస్, జెర్సీ, ఘోస్ట్ స్టోరీస్ తదితర సినిమాల్లో మెప్పించింది.
అయితే తెలుగులో చేసిన సీతారామం మాత్రం ఆమెకు విపరీతమైన పేరును తీసుకొచ్చింది. దాంతోపాటే అవకాశాలు వస్తున్నాయి.
ప్రస్తుతం ఆమె నటిస్తున్న హాయ్ నాన్న సినిమాను కొత్త దర్శకుడు శౌర్యువ్ తెరకెక్కిస్తున్నారు. వైరా ఎంటర్ టైన్మెంట్స్ రూపొందిస్తున్న ఈ సినిమాకు హేషమ్ అబ్దుల్ వాహబ్ సంగీతం అందిస్తున్నారు.