Naga Chaitanya : నాగచైతన్య తండేల్ చూశారా.. గంగపుత్రుల కోసం నిలబడిన నాయకుడు
టాలీవుడ్ యువ హీరో అక్కినేని నాగచైతన్య 23వ సినిమా టైటిల్ బహిర్గతమైంది. ఈ సినిమాని గీతా ఆర్ట్స్ బ్యానర్'లో భాగంగా తెరకెక్కిస్తున్నారు. 'తండేల్' అనే టైటిల్'ని ఈ చిత్రానికి ఖరారు చేశారు. ఇదే సమయంలో ఓ పోస్టర్ సైతం రిలీజ్ అయ్యింది. సముద్రంలో పడవలో కూర్చుని సీరియస్ పోజిషన్'లో చైతూ కనిపిస్తున్నాడు. మాస్ గడ్డంతో, ఎత్తైన జుట్టుతో మాస్ ఇమేజ్'లో అదరగొడుతున్నాడు. చందూ మొండేటి దర్శకత్వం వహిస్తున్న ఈ సినిమాలో సాయి పల్లవి, అక్కినేని యువసామ్రాట్ సరసన ఆడిపాడనుంది.2018లో జరిగిన నిజ జీవిత కథ ఆధారంగా ఈ మూవీ రూపుదిద్దుకుంటోంది. ఇటీవలే ఈ సినిమాకు సంబంధించి పరిశోధనలో భాగంగా శ్రీకాకుళంలో గంగపుత్రులను కలిశారు నాగచైతన్య. అంతటితో ఆగకుండా సముద్రంలోకి ఓ రౌండ్ వెళ్లొచ్చాడు.