Nani : విజయ్-రష్మిక ఫోటో వివాదంపై స్పందించిన నాని ఏమన్నాడో తెలుసా
ఈ వార్తాకథనం ఏంటి
రష్మిక మందన్నా-విజయ్ ఫోటో వివాదంపై హీరో నాని స్పందించాడు. ప్రస్తుతం హాయ్ నాన్న ప్రమోషన్స్'లో బిజీ బిజీగా ఉన్న నాని వరుస ఇంటర్వ్యూలు ఇస్తున్నారు.
అయితే అందులో భాగంగా ఓ ఇంటర్వ్యూలో విజయ్- రష్మిక ఫోటో వివాదంపై నాని స్పందించారు.
హాయ్ నాన్న ప్రీ రిలీజ్ వేడుకలో విజయ్-రష్మికల ఫోటో స్క్రీన్ పై ప్రదర్శించడం నిజంగా దురదృష్టకరమని చెప్పుకొచ్చాడు.
ఆ ఫోటో చూసి తాము సైతం షాక్ తిన్నామన్నారు. సినిమా ఈవెంట్స్ కోసం చాలా మంది పనిచేస్తారని, అది ఎవరు ఎందుకు చేశారో కూడా తెలియదని, సినిమా ప్రమోషన్స్'లో అనుకోకుండా ఇలాంటివి ఎదురవుతాయని వాళ్లకీ తెలుసన్నాడు.
దీని కారణంగా ఎవరికైనా ఇబ్బంది కలిగి ఉంటే 'హాయ్ నాన్న' బృందం తరఫున క్షమాపణలు చెబుతున్నానన్నారు.
details
నాని-రష్మిక కలిసి దేవదాస్ సినిమా చేశారు
తాను, విజయ్, రష్మిక మందన్నా మంచి స్నేహితులమేనన్నారు. ఇదే సమయంలో విజయ్-రష్మిక రిలేషన్'లో ఉన్నట్టు వార్తలు వస్తున్నా ఓపెన్'గా అందరికీ ప్రైవేట్ ఫోటోలు ప్రదర్శించడం కరెక్ట్ కాదని సినీ ప్రేక్షకులు అభిప్రాయపడుతున్నారు.
ఇటీవలే జరిగిన హాయ్ నాన్న ప్రీ రిలీజ్ ఈవెంట్'లో కొన్ని మీమ్స్, మరిన్ని ఫొటోస్ చూపించి నాని, మృణాల్'ని కామెంట్స్ చెప్పమన్నారు.
అయితే ఆ ప్రోగ్రామ్ డిజైన్ చేసిన వాళ్లు విజయ్-రష్మిక ఫోటో కూడా వేయడంతో వివాదం మొదలైంది.
దీని గురించి నానికి తెలియకపోయినా వివాదాస్పదంగా మారింది. దీంతో విజయ్ ఫ్యాన్స్ నానిని ట్రోల్ చేస్తున్నారు.
యాంకర్ సుమపై కూడా విమర్శలు వచ్చాయి.నాని - రష్మిక కూడా గతంలో దేవదాస్ సినిమాలో కలిసి నటించారు.