Balayya-Boyapati: బాలకృష్ణ-బోయపాటి కాంబినేషన్‌లో కొత్త సినిమా.. రేపు టీజర్, టైటిల్ అనౌన్స్‌మెంట్!
ఈ వార్తాకథనం ఏంటి
నందమూరి బాలకృష్ణ కెరీర్లో 'అఖండ' సినిమా ఒక ప్రత్యేకమైన విజయాన్ని అందించింది. ఇది ఆయన కెరీర్లో అత్యధిక కలెక్షన్లు సాధించిన చిత్రంగా నిలిచింది.
కరోనా సమయంలో ప్రేక్షకులను ట్రాక్టర్ల మీద కూడా ధియేటర్లకు తీసుకొచ్చిన సినిమాగా ఈ సినిమా రికార్డు సృష్టించింది.
ఇక ఈ సినిమాకి సంబంధించి సీక్వెల్ ఉంటుందని అప్పట్లోనే ప్రకటించారు ఇప్పుడు ఆ సీక్వెల్‌కు సంబంధించిన అధికారిక ప్రకటన రేపు జరగనున్నట్లు సమాచారం.
బాలకృష్ణ, బోయపాటి శ్రీను కాంబినేషన్‌లో రూపొందుతున్న నాలుగో సినిమాకు సంబంధించిన ముహూర్తం రేపు ఉదయం 10 గంటలకు జరగనుంది.
Details
పరిశీలనలో 'ఆఖండ 2' టైటిల్
ఈ ప్రాజెక్ట్‌ను '14 రీల్స్ ప్లస్ ఎంటర్టైన్మెంట్' బ్యానర్‌లో, రామ్ ఆచంట, గోపి ఆచంట నిర్మాణం అందిస్తున్నారు. ఈ సినిమాకు 'అఖండ 2' అనే టైటిల్ పరిశీలన ఉంది.
అయితే అధికారికంగా చిత్రయూనిట్ దీనిపై క్లారిటీ ఇవ్వలేదు. రేపు చిన్న టీజర్ విడుదలయ్యే అవకాశమున్నట్లు తెలుస్తోంది.
బోయపాటి, బాలయ్య బాబు కాంబినేషన్ అంటే బాలయ్య అభిమానుల్లో విపరీతమైన క్రేజ్ ఉంటుంది. దానికి తగ్గట్టుగానే ఈసారి బోయపాటి కథను రెడీ చేసినట్లు తెలుస్తోంది.
ఈ సినిమా టైటిల్ ను కూడా రేపే అనౌన్స్ చేస్తారని సమాచారం.