Kriti Sanon: ప్రకృతి సౌందర్యమే అందం.. కాస్మోటిక్ సర్జరీలపై కృతి సనన్ వ్యాఖ్యలు
ఈ వార్తాకథనం ఏంటి
హీరోయిన్‌గా పేరు పొందిన నటి కృతి సనన్, తాజాగా నిర్మాతగానూ మంచి విజయాన్ని అందించారు.
'దో పత్తి' అనే చిత్రంతో నిర్మాతగా అడుగుపెట్టిన కృతి, తొలి ప్రయత్నంలోనే సక్సెస్ సాధించారు. తాజాగా ఆమె ఓ ఇంటర్వ్యూలో హీరోయిన్స్ కాస్మోటిక్ సర్జరీలపై తన అభిప్రాయాన్ని వెల్లడించారు.
మహిళలు ఎప్పుడూ అందంగా ఉండాలని సొసైటీ నుంచి వచ్చే ఒత్తిడిని అనవసరంగా తమపై మోసుకోవాల్సిన అవసరం లేదన్నారు. కొందరు అందంగా కనిపించాలనే ఉద్దేశంతో సర్జరీలు చేయించుకుంటారని, అది వారి వ్యక్తిగత నిర్ణయమని కృతి సనన్ వెల్లడించారు.
ఆత్మవిశ్వాసం పెంచడానికి అది సహాయపడుతుందనే నమ్మకం ఉంటే, మీరు ఏదైనా చేయించుకోవచ్చని, కానీ ఆ నిర్ణయం వల్ల వచ్చే ఫలితాలను కూడా మీరే స్వయంగా ఎదుర్కోవాల్సి ఉంటుందని కృతి చెప్పింది.
Details
మంచి విజయాన్ని అందుకున్న 'దో పత్తి'
అందంగా కనిపించేందుకు ఎప్పుడూ తాను ఒత్తిడిని అనుభవించలేదని, ప్రశాంతంగా ఉండే ప్రయత్నం చేస్తానని తెలిపింది.
కృతి ప్రధాన పాత్రలో నటించి నిర్మించిన మిస్టరీ థ్రిల్లర్‌ 'దో పత్తి', ఇటీవల నెట్‌ఫ్లిక్స్‌లో విడుదలై మంచి ఆదరణ పొందుతోంది.
శశాంక చతుర్వేది దర్శకత్వం వహించిన ఈ సినిమాలో కృతి ద్విపాత్రాభినయంలో కనిపించారు. ఈ కథ కవల అక్కాచెల్లెళ్ళ మధ్య ఉన్న రహస్యాలను వెలికితీసే కథగా రూపొందించారు.
ఇందులో పోలీసు అధికారి పాత్రలో కాజోల్ నటించగా, ఇతర ముఖ్యపాత్రల్లో షహీర్ షేక్, తన్వీ అజ్మీ, బ్రిజేంద్ర కాలా నటించారు.