అతిరథ మహారథుల మధ్య జరిగిన ఉత్తర అమెరికా తెలుగు సంఘం కర్టెన్ రైజర్
ఈ వార్తాకథనం ఏంటి
ఉత్తర అమెరికా తెలుగు సంఘానికి (NATS) చెందిన కర్టెన్ రైజర్ ఈవెంట్, హైదరాబాద్ లోని పార్క్ హయత్ హోటల్ లో మంగళవారం జరిగింది. ఈ కార్యక్రమానికి తెలుగు ఇండస్ట్రీకి చెందిన తారలు హాజరయ్యారు. వ్యాపారవేత్తలు కూడా ఈ కార్యక్రమంలో పాల్గొన్నారు. మే నెల 26,27,28 తేదీల్లో ఉత్తర అమెరికా తెలుగు సంఘం సంబరాలు జరగనున్న నేపథ్యంలో హైదరాబాద్ లో కర్టెన్ రైజర్ ఈవెంట్ జరుపుకున్నారు. ఈ కార్యక్రమంలో ఉత్తర అమెరికా తెలుగు సంఘం తెలియజేసిన వివరాల ప్రకారం, మే నెలలో జరగనున్న సంబరాల్లో, నందమూరి తారకరామారావు శతజయంతి ఉత్సవాలను ఘనంగా జరపనున్నారు. అలాగే ఘంటసాల, అల్లు రామలింగయ్య శతజయంతి ఉత్సవాలను జరపనున్నారు.
తెలుగు సినిమా
జయసుధ, సాయి కుమార్ లకు సత్కారం
ఇంకా సినిమా ఇండస్ట్రీలో 50యేళ్ళు పూర్తి చేసుకున్న జయసుధ, సాయి కుమార్ లకు సత్కారం ఉంటుందని తెలియజేసారు. పై విషయాన్ని వెల్లడి చేసిన ఉత్తర అమెరికా తెలుగు సంఘం అధ్యక్షుడు బాపు నూతి, మే నెలలో జరిగే కార్యక్రమానికి వ్యాపార వేత్తలు కూడా హాజరవుతారని తెలియజేసారు. హైదరాబాద్ లో జరిగిన కర్టెన్ రైజర్ ఈవెంట్ లో ప్రఖ్యాత నిర్మాత అల్లు అరవింద్, కమెడియన్ ఆలీ, గేయ రచయిత చంద్రబోస్, సీనియర్ నటి జయసుధ, సాయి కుమార్, శ్రీనివాస్ అవసరాల, దర్శకుడు గోపీచంద్ మలినేని, బీ గోపాల్ పాల్గొన్నారు. ఉత్తర అమెరికా తెలుగు సంఘం సంబరాలు అమెరికాలోన న్యూజెర్సీలో జరగనున్నాయి. కర్టెన్ రైజర్ కార్యక్రమానికి హాజరైన వారు అమెరికాలో జరిగే కార్యక్రమానికి హాజరవుతారు.