OG : 'ఓజీ' క్రేజ్ పీక్‌లో.. జనసేనకు అభిమానుల భారీ విరాళం
ఈ వార్తాకథనం ఏంటి
పవర్ స్టార్ పవన్ కళ్యాణ్ నటించిన మోస్ట్ అవైటెడ్ చిత్రం 'ఓజీ' (ఒరిజినల్ గ్యాంగ్‌స్టర్) విడుదలకు ముందే హంగామా సృష్టిస్తోంది. ఈ సినిమాపై ఆసక్తిగా ఎదురుచూస్తున్న అభిమానులు, తమ ఆరాధ్య నటుడి రాజకీయ పార్టీ జనసేనకు మద్దతు తెలుపుతూ వినూత్న కార్యక్రమం చేపట్టారు. 'ఓజీ' ఫస్ట్ డే టిక్కెట్లను అభిమాన సంఘాలు వేలం వేసి, అందిన మొత్తాన్ని పార్టీకి విరాళంగా అందించారు. వేలం ద్వారా సేకరించిన లక్షల రూపాయలను చెక్కుల రూపంలో జనసేన పార్టీ సీనియర్ నాయకుడు, ఎమ్మెల్సీ నాగబాబుకు అభిమానులు అందజేశారు. ఈ క్రమంలో బెంగళూరు అభిమానులు రూ. 3.61 లక్షలు, చెన్నై అభిమానులు రూ. 1.72 లక్షలు, చిత్తూరు జిల్లా అభిమానులు రూ. 1 లక్ష విరాళంగా అందించారు.
Details
సెప్టెంబర్ 25న 'ఓజీ' రిలీజ్
అభిమానుల ఈ అంకితభావం రాజకీయ వర్గాల్లో కూడా ప్రత్యేక చర్చనీయాంశమైంది. నిధులను స్వీకరించిన నాగబాబు మాట్లాడుతూ పవన్ కళ్యాణ్‌పై అభిమానులకు ఉన్న అపారమైన మద్దతు ఆయన రాజకీయ ప్రస్థానానికి పెద్ద బలమవుతుందని ప్రశంసించారు. అభిమానులు పవన్ కళ్యాణ్ సినిమా వేడుకను కేవలం సినీ ఉత్సవంగా కాకుండా, పార్టీకి అండగా నిలిచే వేదికగా మలచుకున్నారు. సుజీత్ దర్శకత్వం వహించిన ఈ చిత్రంలో పవన్ కళ్యాణ్ సరసన ప్రియాంక అరుళ్ మోహన్ హీరోయిన్‌గా నటిస్తుండగా, బాలీవుడ్ నటుడు ఇమ్రాన్ హష్మీ విలన్ పాత్రలో, శ్రియా రెడ్డి కీలక పాత్రలో కనిపించనున్నారు. డీవీవీ ఎంటర్టైన్‌మెంట్ బ్యానర్‌పై నిర్మితమైన ఈ చిత్రానికి సంగీతం తమన్ అందించారు. 'ఓజీ' సెప్టెంబర్ 25న ప్రపంచవ్యాప్తంగా విడుదల కానుంది.
Details
లక్షలాది అభిమానుల సమక్షంలో పవన్ ప్రసంగం
ప్రచార కార్యక్రమాల్లో భాగంగా గత రాత్రి హైదరాబాద్ ఎల్బీ స్టేడియంలో భారీ ఈవెంట్ జరిగింది. లక్షలాది అభిమానుల సమక్షంలో పవన్ కళ్యాణ్ ప్రసంగించారు. ఇమ్రాన్ హష్మీతో పని చేయడం ఆనందంగా ఉంది. దర్శకుడు సుజీత్‌ను త్రివిక్రమ్ పరిచయం చేశారు. అతను నా అభిమాని. 'జానీ' సినిమా చూసి ఆ హెడ్ బ్యాండ్ నెలరోజులు కట్టుకున్నాడట. ఈ సినిమాకు నిజమైన పిల్లర్స్ ఇద్దరు. మొదటిది సుజీత్ - అద్భుతంగా సినిమా తీశాడు, అతని టీమ్ అంతా బ్రిలియంట్ యంగ్‌స్టర్స్. ఇలాంటి టీమ్ నాకుంటే బహుశా రాజకీయాల్లోకి రాకపోయేవాడినేమో. రెండో పిల్లర్ తమన్ - అతని మ్యూజిక్ ఈ సినిమాకే వెన్నెముక అంటూ ప్రశంసలు కురిపించాడు.