పవన్ అభిమానులకు క్రేజీ న్యూస్, ఓజీ నుండి అప్డేట్ వచ్చేసింది
పవన్ కళ్యాణ్ హీరోగా సాహోదర్శకుడు సుజిత్ దర్శకత్వంలో సినిమా తెరకెక్కుతున్న సంగతి అందరికీ తెలిసిందే. ఈ మూవీలో పవన్ కళ్యాణ్ ఒక గ్యాంగ్ స్టార్ గా కనిపించబోతున్నాడని ఫస్ట్ లుక్ ద్వారా అర్థమైంది. ఈ సినిమాకు ఇప్పటివరకు టైటిల్ ని నిర్ణయించలేదు, కానీ వర్కింగ్ టైటిల్ గా ఓజీ(ఒరిజినల్ గ్యాంగ్ స్టర్) పేరుతో పిలుస్తున్నారు. ప్రస్తుతం ఓజీ సినిమా నుండి అప్డేట్ వచ్చింది. ఓజీ సినిమా షూటింగ్ ఫస్ట్ షెడ్యూల్ ముంబైలో పూర్తయింది. ఈరోజు నుండి సెకండ్ షెడ్యూల్ హైదరాబాద్ లో ప్రారంభం అవుతుంది. ఈ మేరకు చిత్ర నిర్మాణ సంస్థ అధికారికంగా తన సోషల్ మీడియా అకౌంట్ ద్వారా వెల్లడి చేసింది.
15రోజుల పాటు హైదరాబాద్ లోనే షూటింగ్
దాదాపు 15 రోజులపాటు ఓజీ సినిమా సెకండ్ షెడ్యూల్ హైదరాబాద్ లో జరుగుతుందట. పవన్ కళ్యాణ్, హీరోయిన్ ప్రియాంక ఆరుల్ మోహన్ మధ్య జరిగే సన్నివేశాలను చిత్రీకరించనున్నారని సమాచారం. ఈ షెడ్యూల్ పూర్తయితే దాదాపు సగానికి పైగా టాకీ పార్ట్ పూర్తవుతుందని అంటున్నారు. ఓజీ సినిమా షూటింగ్ ని చాలా వేగంగా చిత్రీకరించాలని మేకర్స్ డిసైడ్ అయ్యారని సమాచారం. షూటింగ్ తొందరగా పూర్తి చేసి, ఈ సంవత్సరం డిసెంబర్ చివర్లో సినిమాను రిలీజ్ చేయాలని అనుకుంటున్నారట. మరి మేకర్స్ అనుకుంటున్నట్టు డిసెంబర్ లో రిలీజ్ అవుతుందా లేదా అనేది చూడాలి. ఓజీ సినిమాను డీవీవీ ఎంటర్ టైన్మెంట్స్ బ్యానర్లో, ఆర్ఆర్ఆర్ నిర్మాత డీవీవీ దానయ్య నిర్మిస్తున్నాడు. ఎస్ఎస్ తమన్ సంగీతం అందిస్తున్నారు.
