Om Bheem Bush: దుమ్మురేపుతున్న 'ఓం భీమ్ బుష్'.. 3 రోజుల్లో కలెక్షన్లు ఎన్ని కోట్లంటే?
శ్రీ విష్ణు,హుషారు దర్శకుడు శ్రీ హర్ష కొనుగంటి కాంబోలో వస్తున్నలేటెస్ట్ సినిమా" ఓం భీమ్ బుష్". గత శుక్రవారం వరల్డ్ వైడ్ గా రిలీజ్ అయిన ఈ సినిమా పాజిటివ్ టాక్ తో దూసుకు పోతుంది. చాలా కాలం తర్వాత, తెలుగు ప్రేక్షకులు బ్యాంగ్ బ్రదర్స్ శ్రీవిష్ణు, ప్రియదర్శి, రాహుల్ రామకృష్ణలు థియేటర్లలో పూర్తిగా వినోదాన్ని పంచారు. ఇప్పుడు ఈ సినిమా, ప్రపంచవ్యాప్తంగా వసూళ్ల సునామి సృష్టిస్తుంది. 3 రోజుల్లో ప్రపంచవ్యాప్తంగా 17 కోట్ల గ్రాస్ వసూలు చేసింది. ఓం భీమ్ బుష్ మంచి ఓపెనింగ్‌తో రెండు రోజుల్లో భారీగా వసూళ్లను రాబట్టింది. ఈ సినిమా ఒక్కరోజుకు 6.56 కోట్లు సంపాదించింది.ఇది శ్రీ విష్ణు కెరీర్ లోనే అత్యధిక వారాంతపు వసూళ్లు.
హోలీ పండుగ సందర్బంగా కలెక్షన్లు పెరిగే అవకాశం
ఈ రోజు హోలీ పండుగ సందర్బంగా సినిమా కలెక్షన్లు పెరిగే అవకాశాలు ఉన్నట్లు తెలుస్తుంది. ప్రీతి ముకుందన్,అయేషా ఖాన్ హీరోయిన్స్ గా నటించగా,శ్రీకాంత్ అయ్యంగార్,ఆదిత్య మీనన్,రచ్చ రవి కీలక పాత్రలలో నటించారు. ఇక ఈ చిత్రాన్ని వి సెల్యులాయిడ్ వారు నిర్మిస్తున్నారు.
