జేమ్స్ కామెరూన్ సృష్టించిన అద్భుతం అవతార్ 2 ఓటీటీలోకి వచ్చేస్తోంది; ఎలాంటి రెంట్ లేకుండా చూసేయండి
ఈ వార్తాకథనం ఏంటి
సినిమా ప్రపంచంలో అవతార్ సృష్టించిన సంచలనం అంతా ఇంతా కాదు. 2009లో రిలీజైన అవతార్ మొదటి భాగం చూసి ప్రేక్షకులు సంభ్రమాశ్చర్యాలకు గురయ్యారు. ఆ ఆశ్చర్యాన్ని మరింత రెట్టింపు చేస్తూ 2022 డిసెంబర్ 16వ తేదీన అవతార్ సీక్వెల్ రిలీజైంది. ఈ చిత్రానికి ప్రేక్షకులు బ్రహ్మరథం పట్టారు. అవతార్ 2 సినిమాకు 2.3బిలియన్ డాలర్ల వసూళ్ళు వచ్చాయి. అయితే ప్రస్తుతం అవతార్ 2 సినిమా, ఓటీటీలో రిలీ కానుంది. గతంలో మార్చ్ 28నుండి ఓటీటీలో రెంట్ పద్దతి ప్రకారంగా అందుబాటులోకి వచ్చింది. ప్రస్తుతం ఎలాంటి రెంట్ లేకుండానే అవతార్ ద వే ఆఫ్ వాటర్ సినిమాను చూడవచ్చు.
Details
ఏయే భాషల్లో రిలీజ్ అవుతుందో వెల్లడి చేయలేదు
డిస్నీ ప్లస్ హాట్ స్టార్ ఫ్లాట్ ఫామ్ లో జూన్ 7వ తేదీ నుండి అవతార్ సీక్వెల్ ను ఎలాంటి రెంట్ కట్టాల్సిన అవసరం లేకుండా, ఉచితంగా చూసేయవచ్చు. ఈ నేపథ్యంలో అవతార్ అభిమానులు హ్యాపీగా ఫీలవుతున్నారు. హాట్ స్టార్ లో స్ట్రీమింగ్ పై సమాచారం వచ్చింది గానీ, ఎన్ని భాషల్లో స్ట్రీమింగ్ అవుతుందనేది తెలియజేయలేదు. అవతార్ ద వే ఆఫ్ వాటర్: భూమి మీద ఉండే మనుషుల వల్ల పండోరా ప్రాంతంలో ఉన్న తమకు హాని ఉందని భావించిన జేక్ (సామ్ వర్తింగ్టన్), నేయితిరి (జో సల్దానా).. తమ పిల్లలతో పాటు అదే గ్రహంలోని మెట్కయినా ప్రాంతానికి వెళ్తుంది. మరి జేక్ కుటుంబాన్ని మనుషులు పట్టుకున్నారా లేదా అనేదే కథ.