Pawan Kalyan: రిలీజ్ కౌంట్‌డౌన్ స్టార్ట్.. 'ఓజీ' కోసం డబ్బింగ్ ఫినిష్!
ఈ వార్తాకథనం ఏంటి
పవర్ స్టార్ పవన్ కళ్యాణ్ మోస్ట్ అవైటెడ్ చిత్రం 'ఓజీ'(OG) విడుదలకు సిద్దమవుతోంది. యంగ్ డైరెక్టర్ సుజిత్ దర్శకత్వం వహిస్తున్న ఈ చిత్రంలో తమిళ భామ ప్రియాంక మోహన్ హీరోయిన్‌గా నటిస్తుండగా, బాలీవుడ్ నటుడు ఇమ్రాన్ హష్మీ విలన్‌గా కనిపించనున్నాడు. టాలీవుడ్ మ్యూజిక్‌ సెన్సేషన్ తమన్ సంగీతం అందిస్తుండగా, ఈ చిత్రాన్ని DVV ఎంటర్టైన్‌మెంట్స్ బ్యానర్‌పై దానయ్య నిర్మిస్తున్నారు. ప్రపంచవ్యాప్తంగా ఈ నెల 25న రిలీజ్ కానుంది. ప్రస్తుతం పోస్ట్ ప్రొడక్షన్ పనులు వేగంగా సాగుతున్నాయి. ఇప్పటికే డైరెక్టర్ సుజిత్ డబ్బింగ్ కార్యక్రమాలు ప్రారంభించగా, తాజాగా పవన్ కళ్యాణ్ తన పాత్రకు సంబంధించిన డబ్బింగ్‌ను ఇంజనీర్ పప్పు స్టూడియోలో పూర్తి చేశారు.
Details
త్వరలోనే ఓజీ ట్రైలర్ రిలీజ్
విడుదలకు కేవలం పది రోజులు మాత్రమే మిగిలి ఉండటంతో, డబ్బింగ్, సెన్సార్ కార్యక్రమాలను ముగించి ఓవర్సీస్ కాపీ రెడీ చేయాలని యూనిట్ జెట్ స్పీడ్‌లో వర్క్ చేస్తోంది. మరోవైపు ప్రమోషన్ కార్యకలాపాలను కూడా మేకర్స్ వేగంగా ముందుకు తీసుకెళ్తున్నారు. త్వరలోనే OG ట్రైలర్ విడుదల చేసేందుకు ఏర్పాట్లు జరుగుతున్నాయి. అలాగే భారీ ఎత్తున ప్రీ రిలీజ్ ఈవెంట్ నిర్వహించాలని నిర్ణయించారు. ఇందుకోసం విజయవాడ లేదా విశాఖపట్నంలో ఓపెన్ గ్రౌండ్‌లో గ్రాండ్ ఈవెంట్ చేయాలని ప్లాన్ చేస్తున్నారు. అదేవిధంగా రెండు తెలుగు రాష్ట్రాల్లో టికెట్ ధరలను పెంచే ప్రయత్నంలో ఉన్నారు. ప్రస్తుతం 'OG' సినిమాకు ఉన్న హైప్‌ను పరిశీలిస్తే, ఫస్ట్ డే రికార్డు స్థాయి వసూళ్లు రాబట్టే అవకాశముందని ట్రేడ్ వర్గాలు అంచనా వేస్తున్నాయి.