Pawan Kalyan's OG: రిలీజ్ డేట్ ఫిక్స్ చేసుకున్న పవన్ కళ్యాణ్ OG
పవర్ స్టార్ పవన్ కళ్యాణ్,మోస్ట్ అవైటెడ్ చిత్రం ఓజి ఈ ఏడాది సెప్టెంబర్ 27న విడుదలకు సిద్దమైనట్లు తెలుస్తోంది. పవన్ కళ్యాణ్ కెరీర్ బిగ్గెస్ట్ బ్లాక్ బస్టర్ అత్తారింటికి దారేది కూడా అదే తేదీన విడుదలైంది. ఈ సినిమాకి సుజీత్ దర్శకత్వం వహిస్తున్నారు.ఒరిజినల్ గ్యాంగ్ స్టర్ అని ప్రస్తుతానికి ప్రచారంలో ఉన్న ఈ సినిమాకు సంబంధించి ఇప్పటికే షూటింగ్ దాదాపుగా పూర్తి కావచ్చింది.
సెప్టెంబర్ 27న రిలీజ్ చేయాలని చిత్ర యూనిట్ ప్లాన్‌
ప్రస్తుతం, పవన్ కళ్యాణ్ AP ఎన్నికల హడావిడిలో ఉన్నారు. ఆ హడావుడి అయ్యాక డేట్స్ ఇస్తే వెంటనే ఓజిని పూర్తి చేసి సెప్టెంబర్ 27న రిలీజ్ చేయాలని చిత్ర యూనిట్ ప్లాన్‌ చేస్తోందట. ఇక ఈ సినిమాని డివివి ఎంటర్టైన్మెంట్ మీద డివివి దానయ్య నిర్మిస్తున్న సంగతి తెలిసిందే. ఈ చిత్రంలో ప్రియాంక అరుల్ మోహన్ కథానాయిక. ఇమ్రాన్ హష్మీ, ప్రకాష్ రాజ్, అర్జున్ దాస్, శ్రీయా రెడ్డి, హరీష్ ఉత్తమన్ కీలక పాత్రలు పోషిస్తున్నారు. ఈ భారీ ప్రాజెక్ట్‌కి థమన్ మ్యూజిక్ డైరెక్టర్.
