OG : పవన్ కళ్యాణ్ 'ఓజీ' షూట్ రీస్టార్ట్.. ఆనందంలో ఫ్యాన్స్!
ఈ వార్తాకథనం ఏంటి
పవన్ కళ్యాణ్ అభిమానులకు ఎంతో ఊరట కలిగించే వార్త బయటకు వచ్చింది. దర్శకుడు సుజిత్ తెరకెక్కిస్తున్న 'ఓజీ' చిత్రం షూటింగ్ మళ్లీ ప్రారంభమైంది. తాజాగా చిత్ర బృందం విడుదల చేసిన ఓ పోస్టర్‌ ద్వారా ఈ విషయాన్ని అధికారికంగా వెల్లడించారు. ఆ పోస్టర్‌లో సుజిత్ తన టీంతో కలిసి సెట్లో షూటింగ్ చేస్తున్న దృశ్యాలు కనిపించాయి. అయితే పవన్ కళ్యాణ్ ఇంకా సెట్స్‌కి హాజరు కాలేదని సమాచారం. ప్రస్తుతం ఇతర నటులతో షూటింగ్ సాగుతోందని తెలుస్తోంది. త్వరలోనే పవన్ కళ్యాణ్ షూటింగ్‌లో పాల్గొననున్నారని నిర్మాణ సంస్థ డీవీవీ ఎంటర్‌టైన్‌మెంట్స్ వెల్లడించింది. మళ్లీ మొదలైంది.. ఈసారి ముగించేద్దాం అంటూ పోస్టర్‌లో వారు ఆసక్తికరంగా పేర్కొన్నారు.
Details
సెప్టెంబర్ మొదటి వారంలో సినిమా రిలీజ్ చేయడానికి ప్లాన్
పవన్ ఇటీవల తన తదుపరి సినిమాల కోసం డేట్లు కేటాయించారని సమాచారం. అందుకే 'ఓజీ' షూటింగ్‌ను వేగంగా పూర్తి చేసి, వచ్చే సెప్టెంబర్ మొదటి వారంలో సినిమాను విడుదల చేయాలని చిత్రబృందం నిర్ణయించినట్టు తెలుస్తోంది. ఇక ఇప్పటికే *హరిహర వీరమల్లు* సినిమా షూటింగ్‌ను పూర్తిచేసిన పవన్, ఇప్పుడు 'ఓజీ' పనులు పూర్తి చేసి మళ్లీ రాజకీయాల్లో చురుగ్గా పాల్గొనాలని భావిస్తున్నట్టు సమాచారం. ఈ సినిమాలో ప్రియాంక అరుల్ మోహన్ కథానాయికగా నటిస్తోంది. రెండు సంవత్సరాల క్రితమే ప్రారంభమైన ఈ చిత్రం, ఎన్నికల సమయంలో పవన్ రాజకీయంగా బిజీ కావడంతో కొన్ని నెలలుగా ఆగిపోయింది. అయితే ఈసారి ఆలస్యం లేకుండా షూటింగ్‌ను నిరంతరంగా పూర్తి చేసి, త్వరలోనే కొత్త షెడ్యూల్‌ను విడుదల చేయనున్నారు.