Salaar Trailer: సలార్ సినిమా విడుదల చెప్పేసారు, ట్రైలర్ విడుదల ఎప్పుడో తెలుసా?
ఎట్టకేలకు ప్రభాస్ నటిస్తున్న సలార్ సినిమా విడుదల తేదీని ఈరోజు కన్ఫామ్ చేశారు. క్రిస్మస్ సందర్భంగా డిసెంబర్ 22వ తేదీన ప్రపంచవ్యాప్తంగా సలార్ సినిమా థియేటర్లలోకి రానుంది. సినిమా విడుదల తేది బయటకు రావడంతో ఇప్పుడు ప్రభాస్ అభిమానుల ఎదురుచూపులన్నీ ట్రైలర్ పై ఉన్నాయి. తాజాగా సలార్ ట్రైలర్ పై ఒకానొక వార్త ఇంటర్నెట్లో వైరల్ గా మారుతోంది. ప్రభాస్ పుట్టినరోజు సందర్భంగా సలార్ ట్రైలర్ ని విడుదల చేయాలని చిత్ర నిర్మాణ సంస్థ హోంబలే ఫిలిమ్స్ భావిస్తున్నట్లు సమాచారం. ఈ మేరకు ట్రైలర్ కట్స్ పనులు జరుగుతున్నాయని తెలుస్తోంది. అంటే అక్టోబర్ 23వ తేదీన సలార్ సినిమా ట్రైలర్ విడుదల అయ్యే అవకాశం ఉంది.
విడుదలకు ముందు మరో ట్రైలర్
ఇదివరకు రిలీజ్ అయిన టీజర్, ప్రేక్షకులను ఎంత మేర ఆకట్టుకుందో అందరికీ తెలిసిందే. టీజర్ లో ప్రభాస్ లుక్ కనిపించలేదు కానీ సీనియర్ నటుడు టీనూ ఆనంద్ డైలాగులతో వేరే లెవెల్ ఎలివేషన్ వచ్చింది. ఇప్పుడు విడుదలకాబోయే ట్రైలర్ అంతకు పదిరెట్లు మించి అద్భుతంగా ఉండే అవకాశం ఉందని ఇన్ సైడ్ వర్గాల సమాచారం. మరో ముఖ్యమైన విషయం ఏమిటంటే, సినిమా విడుదలకు దగ్గర పడుతున్న సమయంలో రిలీజ్ ట్రైలర్ ని కూడా విడుదల చేస్తారట. పృథ్వీరాజ్ సుకుమారన్ విలన్ గా కనిపిస్తున్న సలార్ సినిమాలో, జగపతిబాబు, ఈశ్వరి రావు కీలకపాత్రలో నటిస్తున్నారు.
